web counter
LEXO PA REKLAMA!

SHKARKO APP

App Store
Google Play

Degjeneron debati në Kuvend/ Rama: Bardhit i futet ekspertiza në gojë

12 Shtator 2024, 11:25, Politikë CNA
Degjeneron debati në Kuvend/ Rama: Bardhit i futet ekspertiza në
Kryeministri Edi Rama

Debati mes kryeministrit Edi Rama dhe kreut të Grupit Parlamentar të PD-së, Gazment Bardhi, degjeneroi në Kuvend.

Rama, i nervozuar nga akuzat e Bardhit për mbetjet toksike, tha se demokrati i merr ekspertizat nga të tjerët dhe i sjell në Kuvend.

Ai i kujtoi Bardhit deklaratën për dorëheqje, ndërsa e cilësoi si balerin që kërcen poshtë ballkonit të Sali Berishës.

“Nuk e di a ju ndodh edhe juve e njëjta gjë, por mua më doli malli i të shkretit Lul, tutorit të kësaj figure që foli. Ata që e ndoqën, ku është dallimi ynë që flasim me fakte dhe këtyre që nuk dinë çfarë flasin. Këto mallra me këto emra nuk konsiderohen mbetje të rrezikshme. E dëgjuat reagimin e të reaguarit e konfuzuar në ekspertizën e tij.
Zotëria e pret ekspertizën me gojën hapur e kokën lart, i futet ekspertiza në gojë nga lart, e rrotullon nëpër gojë dhe vjen e pështyn këtu, sepse flet zotëria për kush jam unë e kush është zotëria, për fjalë që kemi thënë. Por është zotëria që tha po erdhi Berisha me flamur në godinë do iki nga politika, iku nga godina për të mbajtur kokën lart e për të parë Saliun. Problemin më të madh e ka ai që është në kat të 8-të që nuk ngeli balerin pa i shkuar te parvazi e pa i thënë më lër ta dredh belin për ty”, nënvizoi Rama.

Nga ana tjetër, Bardhi iu përgjigj duke i thënë: “Ti ke tutor, bandat, Bajrin, Gjokën!”

“O shoku i Mondit, pse u bërë nervoz? Ne mund të jemi edhe me kokën drejt dhe me kokën poshtë, por nën gjunjë me krimin e organizuar përpara dhe duke i lëpirë nga mëngjesi në darkë nuk jemi.

Zyrtarët tuaj jeni kapur në 'Sky Ecc' duke biseduar. Legalizimet falas ku i ke, shëndetësinë falas ku e ke zotrote. Ju jeni shërbëtorë të krimit të organizuar, ndërsa ne jemi shërbëtorë të qytetarëve", deklaroi kreu i grupit të PD-së./ CNA





Lajmet e fundit nga