web counter
LEXO PA REKLAMA!

SHKARKO APP

App Store
Google Play

E fundit!

x

Bylykbashi: Kjo është çmenduria e Parlamentit dhe Gjykatës Kushtetuese

20 Dhjetor 2023, 21:39, Politikë CNA
Bylykbashi: Kjo është çmenduria e Parlamentit dhe Gjykatës
Deputeti i Partisë Demokratike Oerd Bylykbashi

Deputeti i Partisë Demokratike Oerd Bylykbashi thotë se Parlamenti ka përfunduar në çmenduri deri aty sa u tentua që deputetët të kontrolloheshin nga Garda e Republikës dhe kjo është e ndaluar.

Sipas tij të njëjtën çmenduri e tregoi dhe Gjykata Kushtetuese sot me vendimin e sotëm.

“Ne nuk po i shkojmë gjykatës për Sali Berishën. Sot kemi një Gjykatë Kushtetuese që ka treguar se është në shërbim të maxhorancës. Nesër do të shkojmë për të hyrë në Parlament për të vazhduar betejën. ajo që pres unë është që Garda e Republikës të pengojë deputetët të hyjnë në sallë. Seancën e kaluar u tentua që deputetët të kontrolloheshin nga Garda e Republikës dhe kjo është e ndaluar. Kjo është çmenduria ku ka përfunduar Parlamenti. Sot pamë që në këtë çmenduri të përfundonte dhe Gjykata Kushtetuese.”, tha Bylykbashi.

Ai foli dhe lidhur me protestën që pritet të zhvillohet nesër.

“Prisni nesër. Ka filluar një proces. Ne kemi kërkuar të drejtat tona. Kërkuam ngritjen e Komisioneve hetimore dhe këtë na e siguron ligji. Ne kemi ankuar çështjen e rregullores, është ndërprerje mandate i një deputeti të opozitës. Nuk ka më pushtete të ndara.”, tha ai./ CNA





Lajmet e fundit nga