E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

“Jemi bashkë kundër Ramës”/ Bardhi zbulon arsyen përse mungoi në protestë

20 Dhjetor 2023, 15:53, Politikë CNA

“Jemi bashkë kundër Ramës”/ Bardhi zbulon arsyen

Gazment Bardhi

Kryetari i Gurpit Parlamentar të PD-së, Gazment Bardhi, se është në mbështetje të çdo proteste kundër regjimit të kryeministrit Edi Rama.

Gjatë një interviste ka zbuluar dhe arsyen e mungesës së tij në protestën e së hënës.

Bardhi është shprehur se ka qenë në kryesinë e Kuvendit duke ndjekur mbledhjen e Këshilli të Rregullores dhe Mandateve.

Ai ka theksuar se pavarësisht se ndajnë mendime të ndryshme për shumë çështje janë bashkë kundër regjimit të Edi Ramës.

“Grupi parlamentar mbështet çdo protestë kundër regjimit të Edi Ramës. Nuk kam qenë në protestë. Kam qenë sigurisht në kryesinë e Kuvendit duke ndjekur mbledhjen e Këshillit të Rregullores dhe Mandateve. Unë dhe z.Berisha mund të ndajmë mendime të ndryshme për shumë çështje. Kjo nuk është pas përçarje dhe as konflikt.

Jemi bashkë kundër regjimit të Edi Ramës dhe do ta shtrijmë bashkimin e gjithë spektrit të opozitës edhe në segmente të tjera jashtë jetës parlamentare. Secili brenda grupit parlamentar ka vendosmërinë për t’u përballur me regjimin e Edi Ramës. Nuk e kemi ndërtuar akoma skenarin. Atë ditë ka një seancë plenare dhe ne duhet të jemi aty sigurisht nëse na lejojnë. Ne do të kemi pjesën tonë brenda sallës së seancave plenare”, tha ai.

I pyetur sa i përket çështjes së vulës, Bardhi tha se çfarëdolloj gjëje që të vendosë Gjykata, çështja e Partisë Demokratike, dhe bashkimi i Partisë Demokratike mbeten çështje vullneti dhe mbi të gjitha çështje e anëtarëve të Partisë Demokratike, gjë që i ka munguar Lulzim Bashës.

“Nuk kemi diskutuar në grupin parlamentar. Besoj do të kemi mundësi ta diskutojmë në mbledhjen e grupit. Çfarëdolloj gjëje që të vendosë Gjykata, çështja e Partisë Demokratike, dhe bashkimi i Partisë Demokratike mbeten çështje vullneti dhe mbi të gjitha çështje e anëtarëve të Partisë Demokratike. Zgjidhja e konfliktit nuk zgjidhet me vendime gjykatash, do të zgjidhet me vullnet. Deri tani i ka munguar kolegut Basha ky vullnet”, u shpreh Bardhi./ CNA