web counter
LEXO PA REKLAMA!

SHKARKO APP

App Store
Google Play

E fundit!

x

Qeveria shpërblime për zjarrfikësit, kush përfiton nga dy paga

20 Dhjetor 2023, 14:04, Politikë CNA
Qeveria shpërblime për zjarrfikësit, kush përfiton nga dy
Kryeministria

Të mërkurën, qeveria miratoi shpërblimet për zjarrfikësit si dhe për herë të parë u paguhet punonjësve të policisë së shtetit trajtimi ushqimor.

Ministri i Brendshëm, Taulant Balla, pas mbledhjes së qeverisë tha se zjarrfikësit do të shpërblehen me një pagë mujore për festat e fundvitit.

Ai shtoi se ata që janë angazhuar në përballimin e situatës së zjarreve verën që lamë pas në Greqi do të kenë shpërblim dy paga shtesë.

"Dua të nënvizoj që të gjithë zjarrfikësit shqiptarë të angazhuar për t'i ardhur në ndihmë shtetit grek për t'u përballur me situatën e vështirë të zjarreve gjatë kësaj vere për ta shpërblimi do të jetë dy paga mujore", tha ministri i Brendshëm, Taulant Balla në përfundim të mbledhjes së qeverisë.

Po kështu qeveria miratoi vendimin për të shlyer pagesën e trajtimit ushqimor për çdo punonjës të policisë së shtetit përgjatë kohës së ushtrimit të detyrës së tij gjatë orarit të punës dhe angazhimit të tyre në misione, operacione apo përballimin e situatave të emergjencave civile./CNA

 





Lajmet e fundit nga