web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI: Arben Kraja dënoi shkodranin se nuk pranoi moralin komunist

20 Dhjetor 2023, 12:15, Politikë CNA
DENONCIMI: Arben Kraja dënoi shkodranin se nuk pranoi moralin komunist
Arben Kraja

Ish-kryeministri Sali Berisha, në një konferencë nga selia e Partisë Demokratike, hodhi akuza ndaj dy prokurorëve të SPAK-ut, Arben Krajës dhe Dritan Prençi.

Sipas Berishës, Kraja ka qenë një xhelat i sigurimit të shtetit, ndërsa Prençi ka lidhje me Klodian Zoton. 

Kreu i PD-së publikoi edhe një dokument, ku sipas tij Arben Kraja dënoi të riun shkodran në vitin 1990 pse nuk pranonte moralin komunist. 

"Amnistia e Erion Veliajt nga Kraja-Prençi, përbën krimin më të shëmtuar në historinë e hetuesisë shqiptare.
Përbën dhunimin më flagrant të të ligjave të vendit dhe uzurpimin e pushtetit të parlamentit, të cilit Kushtetuta i njeh të drejtën e amnistisë. Duke u marrë me amnistorët, rezulton se këta janë delikuentë dhe persona që në konflikt flagrant interesi, kanë shpallur amnistinë e Erion Veliajt, Edi Ramës, Agaçit, Artur Metanit dhe të tjerëve.
Arben Kraja, ish-hetuesi xhelat i Sigurimit të Shtetit, që ka dënuar dhe në vitin 1990, një të ri në Shkodër për fajin e vetëm se nuk pranonte moralin komunist. Ky hetues thotë se ai ka shkelur normat e moralit komunist. Kraja qëndron në prokurorinë e shtetit në kundërshtim flagrant me ligjin aktual për prokurorinë dhe nenin 6 të Kushtetutës së Shqipërisë. Se cili është integriteti i tij për të qenë rrogëtar, është kjo dëshmi, të cilin ky këtë akt nuk e kryen në vitin 1995, 1996 apo 1970, por e kryen një vit pas rrëzimit të Murit të Berlinit dhe rënies zinxhir të diktaturave komuniste. Kraja është një person i papërgjegjshëm, që nuk duhej të merrej kurrë me dosjen Veliaj, me dosjen e djegësit të Tiranës, sepse nipi dhe mbesa e tij janë bashkëpunëtorët më të afërt të Erion Veliajt në Bashkinë e Tiranës. Në çdo lloj mënyre, ata i kanë pasur dyert e hapura të ndikojnë te Kraja, por rezultati dëshmon vet, është amnistia e paimagjinueshme e njeriut që ka firmosur të vidhen në qytetin e Tiranës rreth 1 miliard euro në 30 vite nga ai vetë dhe Edi Rama", shprehet Berisha./CNA 

DENONCIMI: Arben Kraja dënoi shkodranin se nuk pranoi moralin komunist
Dokumenti i publikuar nga Berisha




Lajmet e fundit nga