web counter
LEXO PA REKLAMA!

SHKARKO APP

App Store
Google Play

“Gjykata Kushtetuese i bëri bisht detyrës së vet”/ Ilir Alimehmeti: Ky institucion është i kapur

20 Dhjetor 2023, 19:49, Aktualitet CNA
“Gjykata Kushtetuese i bëri bisht detyrës së vet”/
Ilir Alimehmeti

Anëtari i Këshillit Bashkiak të Tiranës, Ilir Alimehmeti ka komentuar rrëzimin e kërkesës së opozitës nga Gjykata Kushtetuese për pezullimin e arrestimit të ish-kryeministrit Sali Berisha.

Sipas tij kjo është një dëshmi që na tregon se kjo gjykatë është e kapur.

Sipas Alimehmetit, ky është element që të dekurajon edhe më shumë si qytetar.

Ai thotë se Gjykata Kushtetuese i ka bërë bisht detyrës së vet.

“Qartësisht nuk është shtet i së drejtës dhe as Republikë Kushtetuese. Janë hapa shumë pas me atë zhvillimin tonë të reformës gjyqësore që quhet si standard i mirë. Janë hapa pas. E shoh si element që të dekurajon edhe më shumë si qytetar, por kur e shikoj nga ana politike. Ky është një regjim. Ka një fillim, fund dhe një rrjedhë ngjarjesh dhe duket se këto po i vendosin me këtë shpejtësi kaq të madhe sepse duan të paracaktojnë fundin e këtij filmi.

Bërja bisht nuk është asnjëherë gjë e mirë. Gjykata Kushtetuese i ka bërë bisht detyrës së vet. Kjo është ajo gjëja që më shqetëson thelbësisht. Ke një detyrë, ekziston për këtë detyrë. Nëse ti këtë nuk e bën, nuk ekziston. Kush e ndalon që ky precedent të merret në mënyrë të vazhdueshme dhe të përdoret për çdo lloj gjëje dhe për çdo kënd. Pra minon atë besimin që kanë njerëzit tek Gjykata Kushtetuese. Kjo i jep fund fjalës, a është e kapur. I bie që është e kapur.”, tha Ilir Alimehmeti./ CNA





Lajmet e fundit nga