100 fidanë nga stafi i CNA-së për pyllin Pishë Poro/ Mesazhi i Mentor Kikisë

20 Dhjetor 2023, 17:40, Aktualitet CNA

100 fidanë nga stafi i CNA-së për pyllin Pishë Poro/ Mesazhi

Mentor Kikia

Të hënën stafi i CNA-së dhuroi 100 pemë për pyllin Pishë Poro, të djegur nga zjarret gjatë periudhës shtator-tetor.

Ditën e sotme ka nisur puna për mbjelljen e pemëve të cilat do të rijetësojnë parkun e Pishë Poros pas betejës me flakët.

Gazetari Mentor Kikia, i cili ka publikuar dhe pamjet teksa shihet duke mbjellë pemët iu ka bërë thirrje institucioneve shtetërore dhe qeverisë shqiptare për tu anzgazhuar seriozisht në ripërtëritjen e kësaj pasurie të madhe të natyrës.

Po ashtu ka dhe një mesazh për të gjithë donatorët që, kushdo që mundet, të dhurojë fidanë për këtë aksion kombëtar që synon të ngrejë në këmbë një pasuri të madhe të natyrës, ku u shkrumbuan rreth 500 hektarë sipërfaqe me pemë, pisha.

Gazetari iu bën thirrje të gjithë qytetarëve apo kujtdo që është gati të kontribuojë vullnetarisht për tu bashkuar me lëvizjen e tyre, për të ringritur këtë park.

“Në vend që të bëj shqiponjën me duar, apo të dal foto me flamurin tonë, për të treguar se e dua vendin tim, unë vendosa të mbjell pemën e parë(po jo të fundit, pa asnjë dyshim) në pyllin e djegur të Pishë – Poros.

Do të pasohet nga një aktivitet shumë më i gjërë dhe i shtrirë në kohë, për të siguruar fidanë e për të mundësuar mbjelljen e tyre.

Brezat që do të vijnë nuk do të na i falin, as dëmet që bëjmë, as heshtjen.

Mbollëm fidanët e parë sot në parkun e Pishë Poros në bregdetin e Fierit që u dogj në fund të shtatorit në fillim të tetorit.

Është vetëm fillimi dhe me këtë rast unë dua tu bëj një apel institucioneve shtetërore dhe qeverisë shqiptare për tu anzgazhuar seriozisht në ripërtëritjen e kësaj pasurie të madhe të natyrës .

Por në emër të Korpusit të vullnetarëve, të organizatës më të madhe të vullnetarizmit në vend në fushën e mjedisit që për më shumë se 15 vite i është dedikuar kësaj fushe unë po iu bëj një apel publik ndaj donatëorëve të ndyshëm që kushdo që mundet të dhurojë fidanë për këtë aksion komëbtar që synon të ngrejë në këmbë një pasuri të madhe të natyrës rreth 500 hektarë pyll i djegur dhe shkatërruar.

I bëj thirrje kujtdo që është gati të kontribuojë vullnetarisht për tu bashkur me korpusin me lëvizjen tonë që një ditë pushimi të vijë këtu dhe t’ia kushtojë disa orë këtij misioni të madh të ringritjes të këtij parku”, thotë në mesazhin e tij Kikia./ CNA