web counter
LEXO PA REKLAMA!

SHKARKO APP

App Store
Google Play

Vendimi i Gjykatës Kushtetuese/ Manjani: Gjykata refuzon të bëjë detyrën, gjykon me dy standarde

20 Dhjetor 2023, 18:00, Aktualitet CNA
Vendimi i Gjykatës Kushtetuese/ Manjani: Gjykata refuzon të
Ylli Manjani

Ish-Ministri i Drejtësisë Ylli Manjani ka reaguar pas rrëzimit të kërkesës së opozitës nga Gjykata Kushtetuese për pezullimin e arrestimit të ish-kryeministrit Sali Berisha.

Sipas vendimit të Gjykatës deputetët nuk legjitimohen t'i drejtohen gjykatës, pasi nuk janë subjekt në konflikt. 

Sipas tij në asnjë rresht të Kushtetutës nuk shkruhet e as nënkuptohet kjo sjellje refuzuese e Gjykatës Kushtetuese,e cila refuzon të bëjë detyrën.

Ai bën dhe një krahasim mes kësaj kërkese dhe kërkesës së mëparshme të deputetëve të opozitës për marrëveshjen Rama-Meloni, ku Gjykata Kushtetuese pranoi kërkesën.

Manjani thotë se gjykata refuzon të bëjë detyrën, madje gjykon me dy standarde

Postimi i plotë:

Që të sqarojmë thjeshtë ‘drejtësinë si drapri’ të Gjykatës Kushtetuese:

28 deputetë të PD nuk kishin asnjë interes të drejtpërdrejtë, sepse nuk iu mor asnjë kompetencë kur Parlamenti po ratifikonte marrëveshjen Rama-Meloni, Gjykata Kushtetuese ia pranon kërkesën.

Madje edhe atë për pezullim të ratifikimit.

Po këta 28 deputetë, që tashmë kërkojnë të mbrojnë një interes legjitim të përplasjes së kompetencave ndërmjet SPAK dhe Parlamenti, vetëm një javë pasi iu pranua kërkesa e parë, nuk i pranohet kërkesa e dytë nga po e njëjta gjykatë.

Në asnjë rresht të Kushtetutës nuk shkruhet e as nënkuptohet kjo sjellje refuzuese e Gjykatës Kushtetuese,e cila refuzon të bëjë detyrën, të gjykojë dhe sipas të njëjtit standard!!!

Të fala shumë kush t'pysi për drejtësinë e Reformuar!/ CNA





Lajmet e fundit nga