web counter
LEXO PA REKLAMA!

SHKARKO APP

App Store
Google Play

Me miliona euro nëpër duar/ Zbulimet e operacionit “Kthehu” që vuri në pranga 20 shqiptarë në Itali

20 Dhjetor 2023, 18:59, Aktualitet CNA
Me miliona euro nëpër duar/ Zbulimet e operacionit
Foto ilustruese

Policia italiane ka çmontuar një grup shqiptar të trafikimit të lëndëve narkotike.

Sipas mediave italiane falë operacionit të kryer kanë rënë në pranga 22 shtetas, 20 prej të cilëve shqiptarë të cilët operonin në zonat e Varesotto-s së Poshtme dhe Milanezit të Sipërm. 

80 punonjës të policisë italiane me njësitë e qenve  dolën në terren dhe arritën që të vinin në pranga 20 shtetas shqiptarë dhe 2 italianë të akuzuar për trafikimin dhe tregtimin e lëndëve narkotike. 

Operacioni, i kryer nga Karabinierët e Busto Arsizio dhe i koordinuar nga DDA e Milanos dhe Prokuroria e Milanos dhe Busto Arsizio, u riemërua " Kthehu", sepse karakteristikë dalluese e këtij grupi ishte zëvendësimi i vazhdueshëm i pjesëtarëve që merreshin me trafikimin e lëndëve narkotike me persona që shkonin në Itali nga vendi ynë çdo tre muaj.

Zyra e Republikës së Milanos dhe Zyra e Prokurorit Publik të Busto Arsizio bëri me dije se janë sekuestruar 3 milionë euro drogë gati për t'u shitur. U sekuestrua 20 kilogramë kokainë, 10 heroinë, 81 kilogramë hashash dhe shuma parash prej 453 mijë eurosh, të cilat në treg do të jepnin rreth 3 milionë euro.

Në mediat italiane thuhet se shumë prej bashkëpunëtorëve janë të lidhur me njëri-tjetrin nga lidhjet familjare./ CNA





Lajmet e fundit nga