web counter
LEXO PA REKLAMA!

SHKARKO APP

App Store
Google Play

Berisha: Veliaj i dha gruas së tij me gjakftohtësi 50 mijë euro

13 Dhjetor 2024, 14:29, Politikë CNA

Berisha: Veliaj i dha gruas së tij me gjakftohtësi 50 mijë euro

Kreu i PD-së, Sali Berisha, në konferencën e përjavshme me gazetarët ka deklaruar se Erion Veliaj i ka dhënë bashkëshortes së tij, Ajola Xoxa, 50 mijë euro dhe ajo me firmën e saj, me gjakftohtësi firmos dhe fut në xhep 22 mijë euro.

“Ju keni ndjekur mediat, të dashur qytetarë, dhe ato kanë konstatuar vjedhje të papërmbajtur, ‘suksesin’ vetëm të bizneseve familjare të këtyre qeveritare.

Famëziu Arbër Veliaj, vëllai i Lali vjedhësit, e ka nisur biznesin e tij duke blerë aksione me 100 euro në një kompani dhe ka regjistruar vitin e kaluar 4.5 milionë euro vetëm fitime dhe 32 milionë euro xhiro, shumicën në marrëdhënie me shtetin, të ndaluara në mënyrë kategorike.

Është gjetur Velica me kompani, nga të cilat bashkëshorti i jep asaj 50 mijë euro dhe kjo me firmë të saj, me gjakftohtësi firmos dhe fut në xhep 22 mijë euro.

Edi Rama ka vendosur këtë sistem, sepse kur Arbri pa Olsin që shkoi në Kinë dhe mori një drejtor të një shtëpie të moshuarve dhe e solli në Shqipëri për t’i dorëzuar Porto Romanan si park industrial, dhe është e vërtetuar kjo që them, atëherë u lëshuan të gjithë si lukuni.

Nuk ka ndodhur kurrë, përveçse në këtë qeveri, që familjarët e qeveritarëve të fitojnë tenderë të lidhura me sektorin publik. Kurrë, asnjë!

Nga qindra e mijëra kontrolle që janë bërë në vitin 2014 e këndej, nuk është gjendur një rast i vetëm, në një kohë kur këta e kanë shndërruar në ligj këtë, familjarët janë përfituesit kryesorë të prokurimeve publike”, tha Berisha./ CNA





Lajmet e fundit nga