web counter
LEXO PA REKLAMA!

SHKARKO APP

App Store
Google Play

E fundit!

x

Berisha takon komisionerin Hahn/ Diskutime për opozitën dhe mbështetjen e PD-së

30 Prill 2025, 16:01, Politikë CNA

Berisha takon komisionerin Hahn/ Diskutime për opozitën dhe

Kreu i Partisë Demokratike, Sali Berisha, zhvilloi një takim me Komisionerine BE-së, Johannes Hahn. Takimi u mbajt për të diskutuar mbi situatën politike dhe demokratike në Shqipëri. Në qendër të bisedës ishin shqetësimet e thella mbi gjendjen e demokracisë në vend, kapjen e institucioneve, presionin ndaj opozitës, dhe largimin masiv të shqiptarëve.

Berisha theksoi se keqqeverisja e kryeministrit Edi Rama dhe përfshirja e tij në manipulimin e institucioneve ka sjellë një erozion të standardeve demokratike. Ai ngriti shqetësime edhe për heshtjen dhe qëndrimin pasiv të disa zyrtarëve në Bruksel dhe ambasadorëve të huaj, të cilët sipas tij kanë mbyllur sytë ndaj këtyre fenomeneve dhe kanë mbështetur në mënyrë të drejtpërdrejtë Ramën.

Nga ana tjetër, Komisioneri Hahn shprehu angazhimin e tij të plotë për të qenë një avokat i fortë për forcimin e demokracisë në Shqipëri dhe për të mbështetur integrimin europian të vendit. Ai u zotua se do ta ngrejë zërin për të gjitha problematikat që janë ngritur nga Partia Demokratike dhe që janë pasqyruar në rezolutat e mbështetura nga Partia Popullore Europiane (PPE).

Takimi u vlerësua si shumë pozitiv dhe konstruktiv, duke dhënë sinjale për një mbështetje më të qartë ndaj aspiratave demokratike të Opozitës shqiptare dhe qytetarëve që kërkojnë ndryshim./CNA





Lajmet e fundit nga