web counter
LEXO PA REKLAMA!

SHKARKO APP

App Store
Google Play

11 maji/ Agron Duka: SPAK-u duhet të shkëpusë politikën nga krimi

30 Prill 2025, 09:17, Politikë CNA
11 maji/ Agron Duka: SPAK-u duhet të shkëpusë politikën nga
Agron Duka

Kreu i PAA-së, Agron Duka, ka folur për zgjedhjet e 11 majit dhe punën e SPAK-ut në terren.

I ftuar në emisionin "Debat" në "A2CNN" me Alba Alishanin, Duka është shprehur se SPAK-u duhet të shkëpusë politikën me krimin dhe shtetin me partitë politike.

Duka tha se në Durrës ka elementë kriminalë që ende janë në fushatë.

“Jam i kënaqur që SPAK-u ka dalë në terren dhe nëse kap elementë të veçantë, atëherë i them bravo i qoftë, por nëse bën punën e OSBE-ODIHR-it që ka bërë 34 vjet. Deri tani thuhet që ka pasur disa ankimime. Pritet të ketë prapë.

Puna e SPAK-ut duhet të jetë shkëputja e politikës me krimin dhe përdorimi i shtetit në favor të partive politike të shkëputet njëherë e përgjithmonë. Dhe shkëputja me njerëzit me rekorde kriminale. Në Durrës ka elementë të tillë që janë ende në fushatë. Të shohim nëse do kapë gjë atje, nëse jo nuk ka bërë punë. Të kapë para zgjedhjeve, sidomos në këto dy drejtime dhe e rëndësishme është që administrata të lihet mënjanë dhe të fusin duart njerëzit me rekorde kriminale”.

Gjithashtu ka komentuar gjuhën e përdorur nga Rama në takimet elektorale duke thënë se është e pamoralshme.

“Gjuha e përdorur ka ardhur duke agravuar, sidomos nga Rama. Bën vaki dhe e marrin për të mbledhur vota, por mua më duket e pamoralshme mënyra e tij. Tensione politike ka pasur gjithmonë, kur ka pasur zgjedhje. Përveçse ka një luftë, ka edhe brenda llojit, se i tillë është sistemi, një sistem i përçudnuar se këta përveç luftës me kundërshtarët kanë dhe luftë brenda llojit. Është bërë kakofoni e tmerrshme për sa i përket tensionit politik se nuk janë mes palëve, por brenda llojit. Në sistemin mazhoritar lufta ishte e ashpër mes individëve, kurse tani rëndësi të madhe kanë kryetarët e partive”./ CNA





Lajmet e fundit nga