E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Votimi elektronik më 11 maj/ KQZ teston 3% të pajisjeve

29 Prill 2025, 19:30, Politikë CNA

KQZ ka zhvilluar sot testimin operacional të pajisjeve të votimit dhe numërimit elektronik për zgjedhjet e 11 majit.

Në një postim në rrjetet sociale, kryekomisioneri Celibashi shkruan se u përzgjodhën 3% e pajisjeve për të simuluar procesin e hapjes, votimit, mbylljes dhe transmetimit të rezultatit, duke verifikuar përputhshmërinë e kritereve të përcaktuara nga KQZ.

Më tej Celibashi shkruan se këto pajisje garantojnë 100% fshehtësinë e votës.

Celibashi tha se në zonat ku do të kryhet votimi elektronik janë vendosur qendra informimi, në të cilat mund të testohen pajisjet nga qytetarët.

“Zhvilluam testimin operacional të pajisjeve të votimit dhe numërimit elektronik për zgjedhjet e 11 Majit 2025!

Në kuadër të projektit pilot që do të zbatohet në Njësinë Administrative nr. 10, Tiranë dhe në Bashkinë Vorë, KQZ Shqiperi realizoi testimin operacional të Pajisjeve Elektronike të Votimit dhe Numërimit (PEVN).

Në përputhje me nenin 22, pika 6 të Kodit Zgjedhor, u përzgjodhën 3% e pajisjeve për të simuluar procesin e hapjes, votimit, mbylljes dhe transmetimit të rezultatit, duke verifikuar përputhshmërinë e kritereve të përcaktuara nga KQZ.

Garantojmë qytetarët se pajisjet sigurojnë 100% fshehtësinë e votës. Nuk ekziston mundësia që vota e qytetarëve të identifikohet apo të zbulohet nga askush — as nga KQZ, as nga kompania që ka prodhuar pajisjet.

Pajisja Elektronike e Votimit dhe Numërimit ofron:

Votim të thjeshtë dhe të sigurt

Fshehtësi të plotë të votës

Verifikim nga vetë zgjedhësi i votës së printuar, para se ajo të depozitohet në kuti

Softëare me standarde të larta sigurie dhe ndërfaqe të lehtë për përdoruesit

Për të familjarizuar qytetarët me këtë teknologji, kemi vendosur Qendra Informimi në zonat ku do të aplikohet votimi elektronik. Çdokush mund të shkojë, të provojë pajisjet dhe të simulojë votimin.

Në zgjedhjet e 11 Majit 2025, pajisjet do të përdoren në:

44 qendra votimi në Bashkinë Vorë

31 qendra votimi në Njësinë Administrative nr. 10, Tiranë

Testimi u zhvillua në praninë e vëzhguesve ndërkombëtarë, përfaqësuesve të shoqërisë civile dhe medias, duke garantuar një proces të hapur dhe transparent”, shkruan Celibashi./ CNA