web counter
LEXO PA REKLAMA!

SHKARKO APP

App Store
Google Play

Zhdukja e 16 emigrantëve në Gjadër/ Këlliçi: Respektimi i të drejtave të njeriut është në nivele alarmante

29 Prill 2025, 15:54, Politikë CNA

Zhdukja e 16 emigrantëve në Gjadër/ Këlliçi:

Drejtuesi politik i PD për Tiranën, Belind Këlliçi ka reaguar pëër lajmin se janë zhdukur 16 emigrantë nga kampi i Gjadrit.

Në një status në rrjetet sociale, Këlliçi shkruan se trajtimi i emrigrantëdhe dhe respektimi i të drejtave të njeriut në këtë kamp është në nivele alarmante.

Në fund të statusit të tij Këlliçi ngre pyetjen nëse Shqipëria është një vend për instalimin e burgjeve jashtë territorit të BE apo një vend anëtar me të drejta të plota në Bashkimin Europian.

“Shqetësues lajmi për zhdukjen e 16 emigrantëve nga kampi i Gjadrit.

Një kamp që erdhi si rezultat i një marrëveshjeje të dyshimtë, një kamp që u propagandua si “ndihmë” ndaj Italisë dhe emigrantëve po përfundon tani si një burg anonim ekstraterritorial, ku emigrantët zhduken nga radari.

Më herët në media qarkulluan lajme mbi një revoltë të emigrantëve brenda kampit, ku sipas raportimeve tre prej tyre u lënduan me thikë.

Qytetarët shqiptarë ashtu si edhe taksapaguesit italianë duhet të informohen në mënyrë transparente dhe në kohën e duhur.

Ky kamp ka në vetvete probleme të rënda të shkeljes së sovranitetit të Republikës së Shqipërisë.

Përpos kësaj, duket se trajtimi i emigrantëve dhe respektimi i të drejtave të njeriut është në nivele alarmante.

Emigrantë nga vende të ndryshëm të botës sillen në Shqipëri, transportohen pa asnjë informacion, trajtohen si njerëz të tepërt.

Qytetarët e Shqipërisë, ata italianë si edhe vetë emigrantët meritojnë të dinë se cili është qëllimi final i këtij kampi sa i takon integrimit apo kthimit të emigrantëve, a zbatohen aty protokolle në përputhje me të drejtat e njeriut, a i nënshtrohet ai legjislacionit europian dhe cili është vizioni për të ardhmen:

Shqipëria një vend i instalimit të burgjeve jashtë territorit të BE-së apo Shqipëria një anëtare e BE me të drejta të plota”, shkruan Këlliçi./ CNA





Lajmet e fundit nga