E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Po ndjekim procesin e votës nga diaspora”/ Celibashi: Nuk ka problematika të mëdha për zgjedhjet

29 Prill 2025, 12:11, Politikë CNA

“Po ndjekim procesin e votës nga diaspora”/ Celibashi: Nuk ka

Komisioneri shtetëror i zgjedhjeve, Ilirjan Celibashi, ka zhvilluar sot një mbledhje të hapur, ku të pranishëm ishin edhe gazetarët. Në fjalën e tij, Celibashi iu përgjigj disa pyetjeve me interes në prag të zgjedhjeve. Celibashi u ndal te procesi i shpërndarjes së fletëvotimeve për diasporën.

Celibashi u shpreh se po ndjek me vijueshmëri procesin dhe përmbushjen e detyrave të postës DHL, e kontraktuar për të shpërndarë fletëvotimet në çdo shtet të botës ku ka shqiptarë që janë regjistruar për të votuar.

“Mbeten në vullnetin e zgjedhësve për të kthyer ose jo votën. Por përderisa janë regjistruar, do të thotë që do ta kthejnë. Numri është rreth 17 mijë nga rreth 215 mijë votues që e kanë kthyer fletën.

Jemi në ndjekje të përmbushjes së detyrave nga DHL për të shpërndarë të gjithë dokumentacionin.

Mbeten rreth 30 mijë zgjedhës pa e marrë fletën. Me kohën në dispozicion, është koha e duhur për të shpërndarë fletët. Përmbushja e detyrimeve të kontraktuara të DHL do të përfundojë pas këtij procesi”,-tha Celibashi.

Pyetjes nëse ka marrë para DHL paraprakisht për këtë shërbim, Celibashi u shpreh se kjo nuk ka asnjë rëndësi në proces, megjithëse u shpreh se zakonisht pagesa bëhet pasi ka përfunduar kryerja e shërbimit.

“Nuk mund ta komentoj tani. Kjo nuk ka asnjë domethënie për këtë proces. Pagesa bëhet pasi përfundon kryerja e shërbimit. Asnjë prej furnitorëve nuk kanë marrë asnjë pagesë. Do të shohim si kanë kryer shërbimin dhe do të paguajmë në bazë të punës për procesin”,-tha Celibashi.

Celibashi tha se sipas tij, procesi është duke shkuar relativisht mirë.

“Gjykimi im personal është që ky proces është duke shkuar relativisht mirë. Nuk ka probleme të mëdha. Nuk ka sistem që dështon, por që funksionon. Kjo që thashë është e vertetë.

Jemi duke adresuar të gjitha problematikat dhe jemi të angazhuar me të gjithë aktorët për këtë proces. Sistemi është duke funksionuar. Shqetësimet nuk e vendosin aspak në dyshim integritetin e procesit”,-tha Celibashi./CNA