web counter
LEXO PA REKLAMA!

SHKARKO APP

App Store
Google Play

E fundit!

x

Raporti vjetor i Prokurorisë së Përgjithshme/ Çela në KLP: Po ndiqet plan veprimi për hetimet ndaj krimit

29 Prill 2025, 11:17, Politikë CNA

Raporti vjetor i Prokurorisë së Përgjithshme/ Çela në

Prokurori i Përgjithshëm, Olsian Çela, po raporton këtë të martë në Këshillin e Lartë të Prokurorisë. Çela ndau disa detaje nga raporti i institucionit për vitin 2024.

Në fjalën e tij, Çela tha se është ndjekur në mënyrë periodike plani i veprimit dhe strategjisë për disa fusha të lidhura me hetimet ndaj krimit.

Çela u shpreh se sa i përket performancës, prokuroria më e madhe mbetet dega në Tiranë, për të vijuar me Durrësin dhe Fierin.

“Ka vijuar bashkëpunimi për kapitujt 22 dhe 23. Kontribut ishte edhe ndjekja periodike e planit të veprimit dhe strategjisë së krimit, pastrimit të parave, e fushave të tjera.

U dhanë drejtime për plotësimin e standardeve ligjore ndaj prokurorëve. U kërkua monitorim i afateve. U raportua edhe dhuna në paraburgim.

Sa i përket ligjit për amnisti, veçoj marrëveshjen me Prokurorinë Federale të Belgjikës. Kjo për praktikat ligjore dhe nxitjen e bashkëpunimit për krimet e rënda.

Ka edhe akte që kanë zgjidhur çështje të natyrave të ndryshme dhe janë të detajuara në raport.

Rezulton ulje e numrit të çështjeve të dërguara në gjykatë. Ka rritje të të pandehurve që janë dënuar.

Sa u përket të dhënave që lidhen me performancën e prokurorive, rezulton që Tirana mbetet prokuroria më e madhe, vijon me Durrësin, Fierin, Shkodrën, Beratin, Dibrën dhe Kukësin”,-tha Çela./CNA





Lajmet e fundit nga