web counter
LEXO PA REKLAMA!

SHKARKO APP

App Store
Google Play

“Nis Akademia e Aviacionit Civil”/ Balluku inspekton aeroportin e Vlorës: Për pak ditë ulet në pistë avioni i parë

30 Prill 2025, 15:34, Politikë CNA

“Nis Akademia e Aviacionit Civil”/ Balluku inspekton aeroportin e

Zëvendëskryeministrja, njëherësh ministrja e Infrastrukturës dhe Energjisë, Belinda Balluku, inspektoi sot punimet në Aeroportin Ndërkombëtar të Vlorës. Balluku zhvilloi inspektim në kantierin ku po punohet për detajet e fundit, pak ditë para uljes në pistë të avionit të parë.

Në fjalën e saj, Balluku tha se ky aeroport është i një distance të madhe dhe se pjesa më e madhe e punimeve kanë përfunduar.

“Është i ndërtuar brenda 300 hektarësh. Distancat janë të mëdha. Duket kulla tashmë e  përfunduar. Ka akoma skelerinë dhe prandaj nuk shikohet ende. Kemi edhe fasadën. Po flasim për një distancë të madhe”,-tha Balluku.

Balluku u shpreh se po punohet në përputhje me standardet dhe kriteret ndërkombëtare.

“Në pamje duket kantier i vogël, por punohet me 3 turne. Është pista e një aeroporti ndërkombëtar. E gjithë situata duhet të jetë sipas kritereve dhe standardeve që ndihmojnë edhe në certifikim. Është punë që kërkon shumë kujdes”,-tha Balluku.

Ministrja tha se nga ky aeroport do të kryejë edhe transport mallrash.

“Ky aeroport ka disa veçori ndryshe. Kompanitë lider do të sjellin një pjesë të bizneseve të tyre. Do të këtë fluturime edhe të mallrave, veç njerëzve”,-tha Balluku.

Balluku njoftoi edhe nisjen e Akademisë së Aviacionit Civil.

“Do të nisë Akademia e Aviacionit Civil. Kapaciteti do të shtohet. Po hapen shumë vende pune, prandaj kërkohet ngritja e kësaj akademie”,-tha Balluku./CNA





Lajmet e fundit nga