web counter
LEXO PA REKLAMA!

SHKARKO APP

App Store
Google Play

E fundit!

x

Monika Kryemadhi: Ilir Meta më la për Kushtetutën

30 Prill 2025, 10:41, Politikë CNA

Monika Kryemadhi: Ilir Meta më la për Kushtetutën

Monika Kryemadhi ka folur edhe një herë për divorcin e saj me kreun e PL-së, Ilir Meta.

Në një intervistë për gazetarin Roland Qafoku, Kryemadhi është shprehur se Meta e la për Kushtetutën.

Ajo bëri dhe një paralajmërim duke thënë se ata që nisën divorcin e saj me Metën nuk i kanë bërë mirë llogaritë dhe këtë do ta shohin pas zgjedhjeve të 11 majit.

Ndër të tjera Kryemadhi theksoi se me Metën nuk janë ndarë për pasuri, por marrëdhënia e tyre nuk ka më kthim pas.

“Unë dhe Ilir Meta nuk kemi pasuri për të ndarë, nuk jemi të pasur, pasuria jonë më e madhe janë fëmijët tanë. Dy gjëra konsideronim më të fortat ne të dy, emri dhe familja.

Nuk ka mes meje dhe Metës divorc për 'show' e as për shtirje. Unë e kisha të vështirë derisa e ndava mendjen, pastaj isha shumë e qartë, ai që e nisi divorcin ai le ta komandojë, për mua çdo gjë ka marrë fund.

Nuk ka më kthim pas për mua dhe Ilir Metën, unë tani do të eci vetëm përpara. Sigurisht që kafe do të pi me Metën sepse ne do të martojmë fëmijët e shumë gjëra të tjera. Marrëdhëniet e mia me Ilir Metën janë ndërprerë. Ata që nisën këtë divorc nuk i kanë bërë llogaritë mirë, por do ta shikojnë pas 11 majit.

Mua Ilir Meta më la për Kushtetutën, tani ai të martohet me Kushtetutën dhe me ata që dëgjoi. Pasuria më e madhe e tij është vota. Historia ime emocionale me Ilir Metën ka mbaruar. Nuk kam asgjë për të ndarë me të. Ilir Metës t’i rrojë partia"- u shpreh Kryemadhi./ CNA





Lajmet e fundit nga