web counter
LEXO PA REKLAMA!

SHKARKO APP

App Store
Google Play

Kongresi i PPE-së/ Berisha: Bota politike është kundër Ramës, mezi presin fitoren e PD-së

30 Prill 2025, 14:19, Politikë CNA

Kongresi i PPE-së/ Berisha: Bota politike është kundër

Kryetari i Partisë Demokratike, Sali Berisha, ndodhet në Valencia, ku po merr pjesë në kongresin e PPE-së, i cili zhvillohet në datat 29 dhe 30 prill.

Në një intervistë për "Syri TV" nga Valencia, Berisha tha se shumica e botës poltike është kundër Ramës dhe po e ndëshkon atë.

Më tej, kryedemokrati tha se 74 forca politke të djathta kanë fituar këtë vit dhe e 75-ta do të jetë Partia Demokratike e Shqipërisë.

"Fitore, e cila mezi pritet nga miqtë e PD-së në PPE", tha Berisha.

“PD dhe populli opozitar mori një mbështetje të plotë dhe totale nga PPE. Këtu, miratohet sot një rezolutë, në këto momente, pas kësaj interviste do jem aty, në të cilën dënohen me forcë të gjitha problematikat e mëdha të krijuara nga qeverisja e Edi Ramës në raport me zgjedhjet, në raport me opozitën, në raport me zbatimin e ligjit, me korrupsionin, me të gjitha.

Pra, mendoj se sot, populli opozitar, pikërisht pak ditë para zgjedhjeve, merr një thirrje, merr një kushtrim për t’u ndarë nga të gjitha këto problematika të rënda të krijuara nga regjimi, në mënyrë që, PPE, 14 kryeministra të kësaj organizate, të mund të mbështesin Shqipërinë në rrugën e integrimit europian.

Dhe, pa diskutim, në mënyrë të qartë si kristali, këta presin fitoren e PD-së, sepse kanë besim të madh, se kjo forcë do rivendosë, do rikthejë shtetin ligjor dhe se procesi i integrimit me PD-në në drejtim është i sigurtë dhe do bëjë realitet anëtarësimin e Shqipërisë në BE.

Sot, i dënuari ndërkombëtar është Edi Rama, me merita. Këtë ta dijë çdo shqiptar. Le të lexojnë rezolutën, e cila do të miratohet për pak, punë çështje kohe dhe kjo, është rezoluta e 4-t në 5 muaj, që dënon Edi Ramën. Në të vërtetë, bota politike, shumica e botës politike, është kundër Edi Ramës, ndëshkon Edi Ramën.

Dhe të mos harrojmë se janë 74 fitore të forcave të qendrës së djathtë gjatë këtij viti, dhe e 75-ta do të jetë fitorja e PD-së, e cila mezi pritet nga partnerët dhe miqtë tanë në PPE, në Unionin Demokratik Ndëkombëtar dhe në Qendrën Ndërkombëtare Demokristiane.

Pra, e gjitha bota pret fitoren e PD-së”, tha Berisha./ CNA





Lajmet e fundit nga