web counter
LEXO PA REKLAMA!

SHKARKO APP

App Store
Google Play

Vota e diasporës/ Juristi Nuri, thirrje SPAK-ut të nisë hetimin për problematikat me zarfet

30 Prill 2025, 12:15, Politikë CNA

Vota e diasporës/ Juristi Nuri, thirrje SPAK-ut të nisë hetimin

Drejtuesi i Departamentit të Drejtësisë në PD, Franc Nuri, së bashku me drejtuesen e Diasporës, Jozefina Topallin, kanë mbajtur një konferencë në lidhje me problematikat e hasura nga emigrantët gjatë procesit të votimit. Në fjalën e tij Nuri tha se në rrjetet sociale OJF kanë pranuar se kanë pasur marrëveshje me DHL-në dhe për këtë PD do të bëjë kallëzim në SPAK.

Gjithashtu Nuri tha se ka pasur një sërë problematikash nga votuesit, si rastet kur zarfi ka qenë pa fletë votimi brenda, u ka shkuar fleta e votimit të një qarku tjetër apo dhe raste kur një personi i kanë shkuar dy fletë votimi. Nuri po ashtu tha se zarfet janë marrë nga familjarët e personit që do të votojë, ndërkohë që duhet t’i dorëzohet vetë personit dhe të nënshkruhet nga ai.

“OJF në rrjetet sociale kanë dalë dhe kanë thënë hapur se kanë pasur marrëveshje me DHL-në. Presim që SPAK-u të nisë hetimin, PD do të bëjë kallëzim sa më parë.

Duhet që zarfi të dorëzohet personalisht kundrejt nënshkrimit të personit. Janë raste ku ka shkuar zarfi pa fletë votimi, apo ka shkuar zarfi i një qarku tjetër. I kanë shkuar dhe 2 zarfe votimi një individi. Rastet e tërheqjes së zarfeve nga familjarë. Probleme të tjera janë se qytetarët nuk po dorëzojnë zarfet në DHL sepse u është thënë se ka mbaruar kontrata me nënkontraktorin”, tha Nuri./ CNA





Lajmet e fundit nga