web counter
LEXO PA REKLAMA!

SHKARKO APP

App Store
Google Play

E fundit!

x

Alimehmeti: Nuk duhen 400 ide, por tre objektiva të konsoliduara për të bashkuar opozitën

4 Shkurt 2026, 22:25, Politikë CNA

Alimehmeti: Nuk duhen 400 ide, por tre objektiva të konsoliduara për

Demokrati Ilir Alimehmeti tha sot se për t’u bashkuar, opozitës nuk i duhen as 200 e as 400 ide, por pak objektiva fikse e të konsoliduara.

I ftuar në A2 CNN, Alimehmeti u shpreh se alternativa e qëndresës arrihet vetëm në mënyrë të palëkundur nga opozita, përndryshe mbetet një narrativë e bukur.

“Duhet qëndresë sot, se fëmijët po ikën jashtë, nuk kthehen më. Për këtë duhet qëndresë, jo për abuzimet e Ramës. I dinë njerëzit ato. Do diskutim brenda brenda nesh në radhë të parë se si kthehet në alternativë qeverisëse Partia Demokratike, opozita në tërësi e të gjithë forcat e tjera dhe si këto lloj idesh mund të kthehen më pas me forcë ligjore sepse përndryshe mbetet një narrativë e bukur, mbetet një diçka që folëm neve, na mbeten dy reels-a nëpër YouTube. Por, kaq. Alternativa e qeverisë arrihet vetëm me një formë, në mënyrë të palëkundur, qëndresë dhe numra. Jo 200 ide dhe 400 ide, po një, dy, tre objektiva fikse të konsoliduara që janë emërues i përbashkët për çdo forcë politike opozitare. Dhe kur jemi të qartë këtu, kur të arrihet hapi i parë, pastaj diskutohet edhe hapi i dytë. Pra, si hyn në zgjedhje, që ishte çështja e dytë. Por, po s'arrite premisat për të shkuar aty duke rrëzuar Edi Ramën dhe duke shkuar drejt një palë zgjedhje që të jenë të lira dhe të ndershme, gjithë pjesa tjetër pastaj është e kotë”, tha Alimehmeti./CNA





Lajmet e fundit nga