web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 10 shkurtit/ Berisha: Shumë qytetarë kërkojnë të zënë sheshin

4 Shkurt 2026, 13:48, Politikë CNA

 Protesta e 10 shkurtit/ Berisha: Shumë qytetarë kërkojnë

Kryetari i PD-së, Sali Berisha, ka folur në konferencën e sotme edhe për protestën e 10 shkurtit. Berisha tha se numri i qytetarëve që duan të zënë sheshin është shumë i madh. Berisha tha se kërkesa e tyre do të zbatohet dhe shtoi se është i bindur që qytetarët do ta fitojnë këtë betejë.

“Gjithnjë e më i madh është numri i qytetarëve që kërkojnë një gjë të tillë. Unë i siguroj ata se kërkesën e tyre e konsideroj shumë të drejtë dhe se ajo në rastin më të parë të mundshëm do të zbatohet. Pra, ata janë qytetarë të përgjegjshëm, që duan të përballen me këtë shtet të degraduar, të degjeneruar në shkallë ekstreme. Po si mundet një gjykatës Kushtetues të mos ndiejë përgjegjësinë ligjore. Të mos ndiejë përgjegjësi para qytetarëve, por të bëhet strofulla e fundit e hajdutit të tij.

Vetëm fjala e qytetarëve ka ngelur këtu dhe unë kam bindje se këtë betejë qytetarët do ta fitojnë. Nuk janë të paktë ata që po shkelmojnë mbi dinjitetin e tyre, ata që si shushunja po u thithin gjakun çdo ditë. Por prapë guximi qytetar, ndershmëria dhe morali qytetar janë qindra herë më të fuqishëm se ata. Kështu që e kam deklaruar dhe e deklaroj, tani kemi një objektiv, largimin e këtij armiku të egër të qenies së shqiptarëve”, tha Berisha. /CNA





Lajmet e fundit nga