web counter
LEXO PA REKLAMA!

SHKARKO APP

App Store
Google Play

Reforma zgjedhore/ Bylykbashi: Sa më shumë i shtrëngohet laku Ramës aq më shumë do të gjuajë me shqelma

3 Shkurt 2026, 19:58, Politikë CNA

Reforma zgjedhore/ Bylykbashi: Sa më shumë i shtrëngohet laku

Nënkryetari i Partisë Demokratike, Oerd Bylykbashi i ftuar në Syri Tv ka folur për Komisionin e Reformës Territoriale.

Bylykbashi tha se një komision i bërë keq do të ndikonte në mënyrën si funksionon sistemi zgjedhor.

Demokrati u shpreh se sa më shumë i vështirësohet terreni Ramës aq më shumë do të kërkojë të vështirësojë terrenin zgjedhor.

Më tej, Bylykbashi tha se në këto momente reforma territoriale ka impakt më të madh se ajo zgjedhore.

 

“Komisioni i Territoriales i bërë keq do të ndikonte në mënyrën si funksionon sistemi zgjedhor. Sa më shumë i shtrëngohet laku Ramës aq më shumë do të gjuajë me shqelma për të vështirësuar terrenin zgjedhor. Është detyrë e opozitës për të mbrojtur opinionin publik.

Në këtë moment kemi zero besim që Rama do të dojë të bëjë një reformë territoriale apo zgjedhore konsensuale. Duhet një kujdes shumë i madh i opozitës, të krijojë një tryezë politike në nivelin më të lartë, të krijojë një platformë të përbashkaur të çështjeve territoriale administrative. Reforma territoriale në këtë moment ka një impakt shumë më të madh se ajo zgjedhore.

Për transparencë, për të kuptuar kush janë propozimet tona”, tha Bylykbashi./CNA





Lajmet e fundit nga