web counter
LEXO PA REKLAMA!

SHKARKO APP

App Store
Google Play

E fundit!

x

PD, kundër projektkalendarit të Kuvendit/ Zhupa tregon arsyet

3 Shkurt 2026, 10:47, Politikë CNA

PD, kundër projektkalendarit të Kuvendit/ Zhupa tregon arsyet

Deputetja e PD-së, Ina Zhupa, ka treguar gjatë fjalës së saj në Kuvend arsyet për të cilat Partia Demokratike është kundër projektkalendarit të punimeve të Kuvendit.

Një ndër këto arsye, Zhupa përmendi mosthirrjen e mbledhjes së Këshillit të Mandateve për imunitetin e deputetes Belinda Balluku. Ajo shtoi më tej se Parlamenti po shërben “si mburojë politike për të korruptuarit” dhe për interesat e mazhorancës.

“Opozita në Konferencën e Kryetarëve ka mbajtur qëndrim të qartë pse nuk e ka pranuar këtë projektkalendar. Ky Kuvend në mënyrë të paprecedentë nuk e mbledh Këshillin e Mandateve, edhe kur e kërkojnë 5 anëtarë të Këshillit të Mandateve. Në cilin Parlament një mbledhje e thirrur shuhet me një mesazh? Kjo duhet të ishte çështja themelore e Kuvendit. Alibia e PS-së se po presim Gjykatën Kushtetuese tregon se Parlamenti është mburojë për interesat e qeverisë. Në Gjykatë Kushtetuese nuk ka asnjë çështje për imunitetin e një deputeti. Askush nga ne nuk ka kuptuar se çfarë lidhje ka pezullimi ose jo i Belinda Ballukut me imunitetin e deputetit. Ju Kuvendin e ktheni si një paradhomë të Kryeministrisë. Interesi i qyetarëve sot është që asnjë i korruptuar të mos ketë imunitet, që drejtësia të veprojë. Cilindo nga qytetarët që mund ta pyesni ndihet në rrezik kur fondet menaxhohen nga njerëz që drejtësia thotë se i vjedh. Nuk ka ditë që nuk ka lajm që rrëzohet një rrugë apo çahet një tunel. Dhe vini këtu e thoni hajde e votoni një projektkalendar. Mund të na thoni ku është kërkesa e PD-së për interpelancë me ministren e Brendshme për gazin që u hodh ndaj protestuesve. Si ka mundësi që projektligjet e opozitës lihen me 4 a 5 muaj atje, kurse të mazhorancës futen me shpejtësi. Tani keni një metodë të re që fusni projektligje paralele vetëm për të mos votuar projektligjet tona. Ky Parlament përdoret vetëm për interesat e mazhorancës”, tha Zhupa. /CNA





Lajmet e fundit nga