E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

"10 shkurti, dita tjetër e kryengritjes"/ Thirrja e Berishës për policinë: Mos i zemëroni qytetarët

2 Shkurt 2026, 18:53, Politikë CNA

Kryetari i PD-së, Sali Berisha në foltoren e sotme para Kryeministrisë, ka bërë thirrje për pjesëmarrje masive në protestën që pritet të mbahet më 10 shkurt.

Berisha tha se 10 shkurti është dita tjetër e kryengritjes paqësore të opozitës dhe qytetarëve opozitarë.

Gjatë fjalës së tij, kryedemokrati kishte një thirrje edhe për forcat e rendit dhe efektivët e policisë. Ai tha se efektivët nuk duhet t’i sulmojnë qyetarët në protestë, pasi zemërimi i protestuesve është për qeverinë jo për policinë.

“Ftoj çdo qytetar që beson tek Shqipëria, dhe beson se Shqipëria mund të bëhet më e begatë, më e bukur dhe më e lirë se çdo vend tjetër. 10 shkurti, është dita tjetër e kryengritjes tonë paqësore. Qytetarët nga të katër anët ftohen të zbresin në shesh për t'i dhënë leksionin e merituar këtij regjimi antishqiptar. Sot Edi Rama është diktatori i drogës së shqiptarëve. Ndaj shqiptarët duhet t’i rezervojnë të njëjtin fat si diktatorit tjetër. Sovrani do t’ju kapë për zverku. Thirrja ime është për të rinjtë dhe të rejat e këtij vendi. Kombi ka nevojë më shumë se kurrë për ju, për guximin dhe trimërinë tuaj. Në historinë e çdo kombi të rinjtë dhe të rejat kanë qenë shpëtimi i tij. Të bashkohemi më 10 shkurt ti japim Shqipërisë dhe mbarë botës mesazhin e fitores. Një thirrje kam për forcat e rendit. Brenda jush ka njerëz të ndershëm dhe të ligjit, por brenda jush ka kriminelë dhe trafikë që nxijnë. Ju bëj thirrje mos zbatoni urdhrat e tyre. Shmangni çdo përplasje me qytetarët që po mbrojnë interesat e vendit tuaj. Mos i zemëroni qytetarët, se zemërimit të tyre nuk ka forcë në botë që i reziston. Ata vijnë të merren me Edi Ramën dhe jo me ju. Mos u bëni mburojë e hajdutëve. Se do t’ju vrasë ndërgjegja gjithë jetën. Po u bashkuat me protestuesit do bëni aktin më patriotik. Këto ditë që kanë mbetur, të gjithë se bashku në çdo derë të bashkohemi se po ecim drejt fitores. Këtë e duam me gjithë shqiptarët”, tha Berisha. /CNA