web counter
LEXO PA REKLAMA!

SHKARKO APP

App Store
Google Play

E fundit!

x

A do të vijojë PD me bojkotin e komisionit të “Zgjedhores”? Boçi flet pas mbledhjes së Grupit Parlamentar

2 Shkurt 2026, 17:13, Politikë CNA

A do të vijojë PD me bojkotin e komisionit të

Nënkryetari i PD-së, Luçiano Boçi ka folur pas mbledhjes së Grupit Parlamentar, ku bëri me dije se anëtarët e Partisë Demokratike do të vijojnë të jenë pjesë e Komisionit të Reformës Zgjedhore.

Boçi tha se nuk do ta bojkotojnë Komisionin, ndërsa shtoi se vendimet finale të punës së komisionit duhet të jenë konsensuale nga të dy palët.

“Ndërkohë, qëndrimi i PD-së, pas diskutimeve në Grupin Parlamentar dhe në Kryesinë e Vogël, është që PD-ja vazhdon dhe do të vijojë të jetë pjesë e Komisionit të Reformës Zgjedhore, në një mbledhje sa më të afërt, të dakordësuar ndërmjet bashkëkryetarëve. Do të vazhdojmë me axhendën e komisionit, e cila ka mbetur në momentin e zgjedhjes së sekretarit të komisionit. Nuk do ta bojkotojmë komisionin.

Prononcimi im publik nuk mjafton. Unë jam i detyruar, duke respektuar etikën parlamentare, të njoftoj për gatishmërinë e Grupit të PD-së dhe të anëtarëve të këtij komisioni për të bashkëvijuar këtë reformë, e cila duhet thënë se është e rëndësishme dhe nuk duhet paragjykuar. Kemi dëgjuar se ata kanë variante të gatshme në sirtarë. Finalizimi duhet të jetë konsensual, në bazë të parimit të paritetit të votave. Janë çështje që do të diskutohen në vazhdimësi të punës që do të bëjë komisioni”, tha Boçi. /CNA





Lajmet e fundit nga