web counter
LEXO PA REKLAMA!

SHKARKO APP

App Store
Google Play

Murrizi: Partitë në koalicion me PD-në, i morën 8 deputetë dhe fonde publike pa vota reale

1 Shkurt 2026, 12:23, Politikë CNA

Murrizi: Partitë në koalicion me PD-në, i morën 8

Ish-deputeti Myslim Murrizi ka kritikuar ashpër partitë që janë në koalicion me Partinë Demokratike, duke theksuar se kanë përfituar pa arritur pragun zgjedhor prej 1%.

Përmes një postimi në rrjetet sociale, Murrzi shkruan se këto parti kanë përfituar në zgjedhjet e 11 majit 8 mandate deputetësh dhe 640,000 euro nga taksat e shqiptarëve, megjithëse, sipas tij, nuk kanë mbështetje të mjaftueshme nga votuesit.

“Që nga viti 2001, për 25 vite dhe 7 palë zgjedhje parlamentare, këto parti marrin deputetë nga PD dhe fonde publike pa u ballafaquar realisht me votuesit,” shkruan Murrizi.

Ish-deputeti kritikon gjithashtu planet e ardhshme për rritjen e numrit të partive pa anëtarë dhe pa vota, duke u shprehur se kjo shkon në kurriz të demokratëve dhe synon të rrisë numrin e individëve që marrin rroga nga buxheti si kryetarë partie.

Murrizi përfundon postimin me një pyetje: “Si mendoni ju, a kanë vota reale këto parti për të marrë deputetë, apo kryetarët e tyre janë thjesht për të përfituar rreth 5,000 euro në muaj nga buxheti?”/CNA





Lajmet e fundit nga