web counter
LEXO PA REKLAMA!

SHKARKO APP

App Store
Google Play

Zhupa në Kuvend: Të hiqet nga rendi i ditës ndryshimi i Komisionit për Reformën Territoriale

3 Shkurt 2026, 10:24, Politikë CNA

Zhupa në Kuvend: Të hiqet nga rendi i ditës ndryshimi i

Seanca e sotme plenare ka nisur me debate për komisionin e Reformës Territoriale. Deputetja e Partisë Demokratike, Ina Zhupa, gjatë fjalës së saj në foltore, tha se duhet hequr nga rendi i ditës së seancës pika për ndryshimin e Komisionit për këtë reformë. Ajo tha se mazhoranca po vepron në mënyrë që të dështojë paraprakisht Reformën Territoriale si në vitin 2013.

“Sot në pikën 13 keni futur një projektvendim për ndryshimin e vendimit të Kuvendit për komisionin e Reformës Territoriale. Në Konferencën e Kryetarëve nuk u votua as pro, as kundër një vendim i tillë. U ra dakord që kjo gjë do të shtyhej dhe do të kishim mundësi të diskutonim për Reformën Territoriale. Diçka e pavotuar në Konferencën e Kryetarëve, nuk mund të kalojë në seancë plenare.

Ju e bëtë një herë reformën territoriale në 2013 dhe e patë se ishte e dështuar. Nëse doni një reformë që u shërben qytetarëve qëndrojini vendimit të Parlamentit për të pasur bashkëkryesinë dhe anëtarë të barabartë dhe për të vendosur, duke respektuar Kushtetutën, tërhiqeni atë vendim që keni futur sot në rend dite pa rregullore. Nuk mundet PS t'i imponohet PD-së se kur do të bëhet zgjedhja. Mos veproni në mënyrë të njëanshme për të dështuar paraprakisht Reformën Territoriale si në vitin 2013, sepse pasojat i vuajnë qytetarët”, tha Zhupa. /CNA





Lajmet e fundit nga