web counter
LEXO PA REKLAMA!

SHKARKO APP

App Store
Google Play

E fundit!

x

“Do të protestohet edhe për shëndetësinë”/ Zhupa: Më 10 shkurt, opozitës i bashkohen fermerët dhe minatorët

3 Shkurt 2026, 13:21, Politikë CNA

“Do të protestohet edhe për shëndetësinë”/

Deputetja e PD-së, Ina Zhupa, në seancën e sotme plenare tha se në protestën e 10 shkurtit qytetarët do të protestojnë edhe për gjendjen e rëndë ku është katandisur, sipas saj, shëndetësia.

Zhupa tha se një tjetër arsye për të protestuar është varfëria me të cilën përballen familjet shqiptare. Ndër të tjera, deputetja shtoi se protestës së opozitës më 10 shkurt do t’i bashkohen edhe fermerët dhe minatorët.

“Ministrja e Shëndetësisë nuk vjen sepse një arsye madhore për të cilën qytetarët do të protestojnë me 10 shkurt është shëndetësia. Është ajo shëndetësi ku sot janë rritur të gjitha çmimet e ilaçeve, ku ikin dritat e reanimacionit, ku nuk jepen rrogat, ku mungojnë ilaçet e të sëmurëve me kancer. Kjo është gjendja në të cilën është katandisur shëndetësia shqiptare. Është një nga arsyet e forta pse qytetarët protestojnë. Ne sot kemi rekorde varfërie. 1/3 e familjeve shqiptare nuk ngrohen dot. 43% e familjeve shqiptare jetojnë në kushte të mbijetesës. Protestojnë studentët për një arsim cilësor. Shkollat shqiptare nuk e njohin, jo më ta përdorin. Ende në Shqipëri shkollat ngrohen me zjarr. Protestojnë qytetarët për kushtet e vështira dhe krizën që keni katandisur fermerët. Bëni dëgjesë me fermerët për të mos i dëgjuar. Për t’i lënë kryebashkiakut të Divjakës që nga mënyra si lavdëronte kryeministrin, ishte në garë me ministrat. Të gjithë i dëgjuat, por vetëm fermerët nuk i dëgjuat. Vetëm hallet e atyre nuk i zgjidhni dhe i injoroni sa herë kaloni projektbuxhete këtu. Ndaj do t'i bashkohen më 10 shkurt fermerët protestës së opozitës. Do t’i bashkohen dhe minatorët sepse ky Parlament nuk i dha dot statusin e minatorit”, tha Zhupa. /CNA





Lajmet e fundit nga