web counter
LEXO PA REKLAMA!

SHKARKO APP

App Store
Google Play

E fundit!

x

“Zbatoni si automat urdhrat e Ramaduros”/ Berisha: Kjo seancë është e turpshme

3 Shkurt 2026, 11:57, Politikë CNA

“Zbatoni si automat urdhrat e Ramaduros”/ Berisha: Kjo seancë

Kreu i PD-së, Sali Berisha, ka ashpërsuar tonet në Kuvend, duke e cilësuar seancën parlamentare si “të turpshme” dhe duke akuzuar mazhorancën se po vepron pa përgjegjësi ndaj qytetarëve, në një kohë kur vendi po përballet me pasoja të rënda nga përmbytjet.

Gjatë fjalës së tij, Berisha deklaroi se rreth 6 mijë persona janë prekur nga përmbytjet dhe, sipas tij, nuk kanë marrë asnjë ndihmë nga qeveria. Ai vuri në dyshim përfaqësimin e qytetarëve nga deputetët e mazhorancës, duke i quajtur ata “e keqja banale e vendit”.

Berisha akuzoi deputetët se “zbatojnë si automat urdhrat e Ramaduros”, duke përdorur një gjuhë të ashpër politike dhe duke i cilësuar si shërbëtorë të zëvendëskryeministres Belinda Balluku. Sipas tij, mazhoranca po mbron drejtuesit e saj për shkak të presionit politik dhe korrupsionit.

Në përfundim, Berisha theksoi se Kuvendi nuk duhet të shërbejë si një mekanizëm formal për zbatimin e urdhrave, por si institucion përgjegjës ndaj qytetarëve, duke e mbyllur fjalën me deklaratën se “kjo seancë është e turpshme”.

“A jeni ju e keqja banale e vendit. Si mund të diskutoni ku kemi 6 mijë të përmbytur dhe s'u keni dhënë një kacidhe. A i përfaqësoni ju ata? Jo. Ju jeni e keqja banale dhe nuk ndjeni asnjë përgjegjësi. Zbatoni si automat urdhrat e Ramaduros. Nuk është kjo për ça qëndroni këtu. A ka gjë më të turpshme se të bëhesh shërbëtor i lubi Ballukut. Ajo ju urren, e dini dhe prapë e mbroni, e ka kapur kreun tuaj për koke dhe për këmbësh e mbroni sepse ju detyron kryekorruptori. Nuk duhet të vini këtu si automat. Njerëz që nuk mbani asnjë përgjegjësi ndaj familjeve tuaja. Kjo seancë është e turpshme”, tha Berisha./ CNA

 





Lajmet e fundit nga