web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Kushtetueses/ Këlliçi: Rama që përbetohej se s'do ndalonte drejtësinë, ka kaluar në sulm frontal

3 Shkurt 2026, 18:46, Politikë CNA

Vendimi i Kushtetueses/ Këlliçi: Rama që përbetohej se

Deputeti i Partisë Demokratike, Belind Këlliçi me anë të një postimi në rrjetet sociale ka reaguar në lidhje me vendimin e sotëm të Gjykatës Kushtetuese.

Këlliçi shkruan se shtyrja e vendimit i shërben vetëm Ramës dhe Ballukut, pasi qytetarët duan një vendim.

Më tej, demokrati shprehet se Rama që përbetohej për mbrojtje ndaj drejtësisë, tani e ka bllokuar atë si dhe ka kaluar në sulm frontal ndaj prokurorëve dhe gjyqtarëve.

 

Postimi i Këlliçit

 

Drejtësia dhe qytetarët duan vendim, shtyrja i shërben vetëm dyshes Rama-Balluku!

Shtyrja e vendimit për Ballukun nga Gjyjata Kushtetuese, pa dhënë shpjegime, pa shpallur një datë se kur do të shprehen, nuk tregon aspak se kjo çështje po trajtohet me seriozitet.

Përkundrazi!

E vetmja palë që dëshiron që kjo të ndodhë, që të ketë zvarritje pa fund, është e pandehura dhe shefi i saj, Edi Rama. Publiku, qytetarët, taksapaguesit e vendit duan një vendim. Drejtësia nga ana tjetër, është bllokuar, masa e kërkuar nga SPAK ka ngelur e ngrirë. Dhe drejtësia ka nevojë për një vendim.

Por sërish, Kushtetuesja edhe sot la të kuptojë se ka të tjera prioritete. Me vendmin që ka marrë sot, duke mos marrë vendim e duke e shtyrë pa afat, pa transparencë deri më tani, instanca më e lartë në Gjyqësorin tonë, i ka shërbyer dyshes Rama-Balluku.

Eshtë pikërisht kjo dyshe që synon që kërkesa e SPAK të shtyhet e shtyhet, mundësisht të kalojë afatin 3 muaj, në mënyrë që të bjerë automatikisht. Sot janë bërë thuajse 50 ditë që kur SPAK ka dorëzuar në Kuvend kërkesën për arrestimin e Ballukut.

Edi Rama që përbetohej se nuk do të ndalonte drejtësinë, kësaj radhe e ka bllokuar dhe ka kaluar në sulm frontal ndaj prokurorëve dhe gjyqtarëve që kanë çështjen Balluku. Vetëm se i ka ardhur shumë për shtat dhe shumë në favor Gjykata Kushtetuse, pas të cilës ai tanimë po fshihet.

Kjo e sotmja është dhe një arsye më shumë që qytetarët të bashkohen me 10 shkurt në Bulevard.

Bashkimi, rezistenca, forca jonë janë drejtësia që ka nevojë vendi.





Lajmet e fundit nga