web counter
LEXO PA REKLAMA!

SHKARKO APP

App Store
Google Play

E fundit!

x

Baçi: Shqipëria forcon bazën ligjore, por mban vendin e parë në Europë për trafikun e narkotikëve

3 Shkurt 2026, 13:59, Politikë CNA

Baçi: Shqipëria forcon bazën ligjore, por mban vendin e

Në seancë plenare, po zhvillohen diskutime për projektligjin “Për disa shtesa dhe ndryshime në ligjin nr. 8874, datë 29.3.2002, “Për kontrollin e lëndëve që përdoren për fabrikimin e paligjshëm të lëndëve narkotike dhe psikotrope””.

Deputeti i PD-së, Luan Baçi, tha se ky projektligj është një çështje me rëndësi për shoqërinë tonë dhe duhet të diskutohet me përgjegjësi. Por, sipas tij, ashtu si shumë projektligje, edhe ky projektligj do të kalojë pa asnjë debat konstruktiv.

Baçi theksoi se Shqipëria edhe pse po forcon bazën ligjore kundër prodhimit dhe trafikimit të narkotikëve, sërish është në krye të listës së vendeve europiane për këtë çështje.

“Edhe ky projektligj që kemi përpara paraqet një çështje shumë të rëndësishme për shoqërinë tonë që duhej të diskutohej dhe debatohej me shumë përgjegjësi. Por kjo do të ndodhte nëse do të ishim vërtet një vend me qeveri normale dhe Parlament sovran që del nga zgjedhjet e lira. Shqipëria edhe pse po forcon bazën ligjore kundër prodhimit dhe trafikimit të narkotikëve, sërish vendi ynë është në krye të listës së vendeve europiane për këtë çështje. Mjafton t'u referohemi disa raporteve të SPAK-ut për vitin 2025.

Nga dy aksione në bashkëpunim me Interpolin janë sekuestruar 130 kg kokainë dhe heroinë, me vlerë tregu mbi 12 milionë euro. Nga goditja e një rrjeti tjetër kriminal u sekuestruan 6 tonë. Por në këtë seancë, edhe votimi i këtij draftligji kthehet në një burokraci të rëndomtë votimi, pa asnjë debat konstruktiv. Kjo sepse duket qartë se Parlamenti funksionon si noter nën urdhrat e kryeministrit. Ky Parlament po kalon kohën më absurde, ku nuk po votohet asnjë ligj që t’i shërbejë interesit të qytetarëve”, tha Baçi. /CNA





Lajmet e fundit nga