web counter
LEXO PA REKLAMA!

SHKARKO APP

App Store
Google Play

Lisandër Hoxha: Rama të dorëhiqet që Shqipëria të shkojë në normalitet

3 Shkurt 2026, 22:26, Politikë CNA

Lisandër Hoxha: Rama të dorëhiqet që Shqipëria të

Demokrati Lisandër Hoxha komentoi sot disa prej zhvillimeve të fundit të politikës në vend.

I ftuar në “Syri Tv”, Hoxha tha se qeveria u kam në vjedhje të zgjedhjeve, prandaj edhe duhet të dorëhiqet për t’i hapur rrugën një qeverie normale, që Shqipëria të shkojë në normalitet.

“Ka tentativa të jashtëzakonshme që të shtyhen gjërat, që të mos ndodhi ajo që është e natyrshme të ndodhi, që do të thotë që qeveria e kapur në vjedhje të dorëhiqet. Qeveria që vodhi zgjedhjet të dorëhiqet, t'i hapi rrugën një qeverie normale, besimi, antikorrupsion, teknike, quajeni si të doni, dhe pastaj të shkojë Shqipëria në normalitet.

Ka tentativa përmes kapjes së shtetit, kapjes së mekanizmave të drejtësisë, për ta ndaluar një gjë të tillë, përmes vizitave, lobingjeve korruptive që vazhdojnë me stilin McGonigal kudo, në mënyrë që të jetë prezent në jetën publike.

T'i bëjë presion drejtësisë, të vonojë sa të mundet, të shtyjë vendime të caktuara vetëm e vetëm për të fituar kohë. Nuk i pinë ujë, thotë populli. Pse nuk i pinë ujë? Sepse është nisur në këtë dishezën e vet dhe nuk ka bir nëne që e ndalon këtë njeri të shkojë drejt katastrofës. Ia ka bërë vetes Saliu.

E gjitha bëhet për të shpëtuar veten. Pastaj, duke shpëtuar veten, për të bindur të vetët, që janë gati ta lëshojnë në sekondë, që unë nuk po bie. Dhe kjo është situata, është në një ankth të jashtëzakonshëm, çdo ditë për Edi Ramën është një makth, për shkak se e di se çfarë e pret. Dhe teatrot e tij, reagimet e tij, fjalimet e tij në parlament, tregojnë vetëm se është një njeri i marrë fund. Si rregull, qysh në dhjetor qeveria duhet të kishte rënë.

Në çdo vend normal, kur të kapet zëvendëskryeministrja, e cila, pa diskutim, që me lejen tënde, ka dhënë 1 miliardë euro me SMS-ra, këtij t'i jepet, këtij mos t'i jepet, të ndahet loti kështu, ashtu, denoncimet e bëra nga Partia Demokratike u vërtetuan. Sigurisht që është në hall. Do bëjë çmos të shpëtojë akuzat ndaj zëvendëskryeministres dhe sigurisht dhe emrin e vet, se në fund të ditës për vete e bën.

Po përpiqen, po bëjnë sa munden. Drejtësia, e cila, Gjykata Kushtetuese kishte për shqyrtuar në themel diçka shumë të thjeshtë. Ky është një akt ekzekutimi. Pezullimi është një akt ekzekutimi që Gjykata Penale e ka dhënë për Ballukun, që Balluku të mos prishë provat.

Duke e vonuar këtë akt ekzekutimi, i cili ka karakter urgjent, pra drejtësia, prokuroria speciale kërkon pezullimin nga detyra se zonja mund të prishë provat, mund të ndërhyjë në mënyrë administrative për të tjetërsuar kontrata, për të zhdukur kontrata, për të intimiduar dëshmitarët. Për këtë arsye u kërkua një masë që, në bindjen time, nuk ishte e duhura. Duhej çuar direkt masa për heqje imuniteti dhe arrest.

Por i dha mundësinë të marri frymë, se ky thotë do ta çojë tani të shikojë sa kushtetuese është kjo gjë. E kupton? Dhe shtyrja që Gjykata Kushtetuese i bën një kërkese krejt të lehtë, a është kushtetuese apo s'është kushtetuese, mjafton shpreheni.

Jemi sulmuar pse kemi qenë të vërtetë. Na është kërkuar të bëhemi hipokritë. Pra drejtësia duhet ta ketë gjithmonë mirë edhe kur shkel ligjin. Jo, s'mund ta bëjë opozita këtë. Dhe në këtë kontekst, unë mendoj që opozita ka mbajtur qëndrimin e duhur sa i takon misionit të saj si një forcë shtetformuese.

S'mund të pajtohemi ne kurrë me vendime të padrejta. Nuk mund të pajtohemi ne kurrë me shkeljen e Kushtetutës dhe të ligjeve të vendit. Ndaj, kritikat që kanë qenë ndaj veprimeve të caktuara të drejtësisë së re dhe prokurorëve të caktuar apo gjyqtarëve të caktuar, nuk kanë qenë të gabuara se u provuan që janë të vërteta”,-tha Hoxha./CNA

 





Lajmet e fundit nga