web counter
LEXO PA REKLAMA!

SHKARKO APP

App Store
Google Play

E fundit!

x

Rama thumbon Shoqatën e Gjyqtarëve: Nuk ju takon të përdorni etiketime si partitë e degraduara

4 Shkurt 2026, 08:48, Politikë CNA

Rama thumbon Shoqatën e Gjyqtarëve: Nuk ju takon të përdorni

Kryeministri Edi Rama, në një lidhje të drejtpërdrejtë, i është përgjigjur Shoqatës së Gjyqtarëve. Rama u është drejtuar që të lënë betejën retorike dhe të mos përdorin etiketime si partitë e vjetra dhe të degraduara të Shqipërisë.

Ai theksoi se gjyqtarët në Shqipëri i kanë pagat më të larta se kolegët e tyre në rajon.

“Nuk synon që të ndezë kundërshti për një vendimmarrje dhe proces që do të zhvillohet në sallën e gjyqit. Si arrini ju deri në pikën të sulmoni publikisht qeverinë, kreun e Këshillit të Ministrave, mediat, t’i akuzoni të gjithë për histeri. Kush jeni ju? Jam shumë i agjituar se 37 milionë euro që kërkoni ju janë para që duhet të merren nga dikush tjetër.

Merrni përsipër të flisni për abuzime, ndërkohë që duhet të siguroni pavarësi dhe paanësi. Ju kërkoni t’i rrisni pagat vetes me gjyq. Po krijoni furi populiste.

Pagat e gjykatësve janë më të larta se të presidentit, ministrave, deputetëve etj. Si ka mundësi që paga juaj është me e lartë se pagat e gjykatësve të Gjykatës së Lartë?

Betejën retorike ju sugjeroj ta lini se nuk u takon gjykatësve të përdorin etiketime që u shkojnë partive më të vjetra dhe të degraduara të Shqipërisë nga një trupë gjykuese që është mbështetur nga qeveria, kurrë s'e keni pasur këtë pavarësi.

Ky është vullneti ynë. Ato paga që keni sot që i keni më të larta se kolegët tuaj në rajon”, tha Rama./ CNA





Lajmet e fundit nga