web counter
LEXO PA REKLAMA!

SHKARKO APP

App Store
Google Play

E fundit!

x

Rama sfidon Shoqatën e Gjyqtarëve: Nxirrni vetëm një dokument të përkeqësimit financiar

4 Shkurt 2026, 09:14, Politikë CNA

Rama sfidon Shoqatën e Gjyqtarëve: Nxirrni vetëm një

Kryeministri Edi Rama ka sfiduar publikisht Shoqatën e Gjyqtarëve që të tregojnë një dokument të pretendimeve të tyre për përkeqësim financiar.

Sipas kryeministrit, këto janë dokrra, ndërsa theksoi se nuk mund të kenë ata përparësi në piramidën e shtetit shqiptar.

“Flisni dhe për ulje pagash, pra, sipas jush, ju është përkeqësuar mbështetja financiare. Nxirrni vetëm një dokument. Doni të lëvizni me 2-3 mijë euro në muaj.

Ju keni më shumë se 2-3 mijë euro në muaj dhe doni të rrisni me +3 mijë euro pagat tuaja dhe thoni është përkeqësuar financimi. Këto për fat të keq janë dokrra. Nxrinni një dokument të përkeqësimit financiar. Deklaratat publike i bëni ku realisht ju cenohet pozicioni. Askush nuk jua cenon juve pozicionin. Kjo qeveri është garantja e pavarësisë suaj.

Ju jeni totalisht të pavarur. A jeni të paanshëm? Këtë duhet ta shikoni në gjyq. Nuk mund të keni ju përparësi në piramidën e shtetit shqiptar. I është dhënë kjo epërsi prokurorisë speciale për arsye të funksionit që ushtrojnë. Ajo është një strukturë e përkohshme që ushtron një funksion të përkohshëm. Ata gjenden në situata rreziku se përballen me grupe kriminale. Po ju tjerët ça doni, si e keni hallin s'e kuptoj. E vërteta është se Këshilli i Ministrave dhe Kuvendi kanë ushtruar diskrecionin e tyre në formulën e pagës. Këtë e ka njohur Gjykata Kushtetuese. Fatmirësisht ka shkruar. Nuk duhet ta kishin marrë në konsideratë kërkesën tuaj se nuk rriten pagat me gjykatë.

Të gjithë kanë nevojë t'u rriten pagat, por ju keni dhe gurin dhe arrën e thoni ja i rrisim vetë. Nuk ndodh në asnjë vend që Gjykata Kushtetuese të bëjë llogaritarin e pagave”, tha Rama./ CNA





Lajmet e fundit nga