web counter
LEXO PA REKLAMA!

SHKARKO APP

App Store
Google Play

Tryezë për opozitën/ Hasimja: Nuk është zgjidhje, por hap i parë për t'u bashkuar

4 Shkurt 2026, 21:26, Politikë CNA

Tryezë për opozitën/ Hasimja: Nuk është zgjidhje, por

Politologu Ermal Hasimja u ndal sot te nisma për një tryezë të gjerë me partitë që i përkasin parimisht frontit opozitar dhe duan të bashkohen.

I ftuar në A2 CNN, Hasimja u shpreh se bëhet fjalë për një dakordësi që fillimisht do të duhet të mbahet nga lidhja përmes një kornize idesh politike të përbashkëta, me pika dhe detaje teknike, në mënyrë të tillë që palët e interesuara të mund të procedojnë më tej me veprimtarinë e tyre.

Hasimja sqaroi se bëhet fjalë për një takim që do të shërbejë si një hap i parë, që jo domosdoshmërisht zgjidh të gjitha problemet e opozitës. 

“Ne nuk kemi asnjë pengesë. Ka mbetur vetëm elementi i shoqërisë civile  sepse dëshirojmë që të përfshihen jo thjesh partitë, në nismë, por të ketë edhe individë apo organizata të shoqërisë civile që kanë mbajtur qëndrime opozitare në këtë moment dhe që eventualisht i bashkohen edhe parimeve dhe asaj kornize që ne kemi shpallur.

Kështu që, në momentin që kjo gjë realizohet dhe përmbyllet, pastaj gjithçka është në rregull dhe ne procedojmë me tryezën. Do të jetë një tryezë ku ne do të biem dakord në parim për pikat që do të mund të merremi vesh me të gjitha palët. Nëse ka nevojë për një tryezë tjetër ose diskutime të tjera teknike për çështje më specifike. Por e rëndësishme është tryeza e parë. Nuk është se kjo i zgjidh të gjitha problemet e opozitës.

Në radhë të parë nuk zgjidh problemet e brendshme që mund të ketë secila nga forcat, por në fund është një hap i parë, që jep ritëm për të vijuar edhe më tej. Vijat e kuqe është term pak i ashpër, por ka pasur kërkesa. Punën kryesore jemi duke e bërë para tryezës, kështu që palët do të kenë bërë shumicën dërrmuese të punës më parë”,-tha Hasimja./CNA





Lajmet e fundit nga