web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimit të ilaçeve/ Alimehmeti: Vendim pa transparencë, të protestojmë më 10 shkurt

4 Shkurt 2026, 18:42, Politikë CNA

Rritja e çmimit të ilaçeve/ Alimehmeti: Vendim pa

Demokrati dhe mjeku Ilir Alimehmeti bëri sot thirrje për protestë masive më 10 shkurt, pasi sipas tij, qytetarët duhet të dalin në shesh edhe për problemet në sistemin shëndetësor.

Në takimin e PD-së në Degën 1 dhe 3, Alimehmeti theksoi se shumëfishimi i çmimeve të disa ilaçeve ndodhi në mënyrë të pa paralajmëruar, duke ndikuar drejtpërdrejtë te xhepat e qytetarëve.

“Jeni ju shtylla kurrizore që ka arritur ta mbajë këtë situatë, kur opozita ishte në ditët e saj më të vështira. Ju falënderoj nga zemra për këtë. Po të mos ishit ju, ne nuk do të ishim këtu duke bërë këtë diskutim sot. Ka një problem akoma më të madh, për shtresën për vulnerabël të shoqërisë sonë, që janë të sëmurët. Kush ka të sëmurë në shtëpi ose të sëmurë kronikë, mund të vejë re që tregu farmaceutik hyri në kaos. Në mënyrë krejtësisht të pa paralajmëruar, Qeveria dhe Ministria e Shëndetësisë, ndërhynë te çmimet e barnave dhe sot farmacistët u gjendën në një situatë ku ata nuk arrinin dot të përmbushnin barnat e rimbursueshëm për pacientët për një sërë ilaçesh. U shumëfishuan pa transparenë. Janë për të tuteluar të sëmurin. Por pa folur me grupet e interesit. Prandaj ju bëj thirrje juve që kjo qeveri këtu duhet të rrëzohet vetëm me protestë dhe revoltë. Kërkohet qëndresë, guxim, kurajë dhe ata që e dinë këtë problem të vijnë në shesh, se tregon të ardhmen e Shqipërisë”,-tha Alimehmeti./CNA





Lajmet e fundit nga