web counter
LEXO PA REKLAMA!

SHKARKO APP

App Store
Google Play

E fundit!

x

"Nuk është punë çete"/ Shehi: PD ka humbur shans historik, qytetarët nuk kanë ndonjë shpresë

4 Shkurt 2026, 21:17, Politikë CNA

"Nuk është punë çete"/ Shehi: PD ka humbur shans

Ish-kryetari i LZHK-së, Dashamir Shehi në një studio televizive ka folur për situatën e opozitës dhe mazhorancës. Shehi tha se ka 13 vite që janë në opozitë dhe për këtë realisht nuk ka ndonjë emergjencë, përveç emergjencës që kanë qytetarët e varfër.

Më tej, Shehi tha se në vitin 2019, Partia Demokratike humbi një shans historik dhe tani janë në një vorbull që duan të fusin dhe partitë e tjera opozitare.

Shehi deklaroi se bashkëpunimi në opozitë nuk është punë çete dhe fitorja vjen nga qytetarët jo nga ata mbështetës që rrinë në oborrin e Partisë Demokratike.

Ish-kreu i LZHK-së u shpreh se me sa duket qytetarët nuk kanë ndonjë shpresë të madhe te PD-ja, pasi duhet një projekt politik për të vajtur te populli. Pavarësisht nëse mazhoranca e miraton ose jo atë projekt.

 

“Nuk ka asnjë lloj emergjence Rama-Berisha. U bëmë 13 vite që jetojmë në emergjencë, në opozitë. Emergjencë ka ai fukarai atje që është pa punë.

Për emergjencat e brendshme të PD-së ka humbur një shans historik në vitin 2019. Ka 4 vite që bën emerjgencë PD, deri me 8 janarin. Në këtë lloj vorbulle thotë hajdeni dhe ju se ne jemi shumica. Kjo nuk është punë çete. Kur të vijnë zgjedhjet nuk votojnë ata te oborri, votojnë qytetarët. Me sa duket qytetarët nuk paskan ndonjë shpresë të madhe se ndryshe do të kishin mbushur rrugët.

Bëhet një projekt politik, ku fillon. Fillon nga ndryshimi i Kushtetutës, PS mund të mos i votojë kurrë, por ti si opozitë të bësh pjesën tënde. 15 komuna janë kthyer në komitete partie që i mobilizon partia me paratë e shtetit, që shihen se sa vota kanë sjellë”, tha Shehi./CNA





Lajmet e fundit nga