web counter
LEXO PA REKLAMA!

SHKARKO APP

App Store
Google Play

“Skenar i vjetër”/ Zhupa: Mazhoranca do të bëjë Reformën Territoriale në mënyrë të njëanshme

4 Shkurt 2026, 20:27, Politikë CNA

“Skenar i vjetër”/ Zhupa: Mazhoranca do të bëjë

Depuetja demokrate, Ina Zhupa akuzoi sot mazhorancën se kërkon të kthehet tek skenari i vitit 2014, për të bërë Reformën Territoriale në mënyrë të njëanshme.

Në një dalje televizive, Zhupa u shpreh se PD-ja nuk ka vendosur bojkot për Komisionin e Posaçëm, por sipas saj, nevojitet koordinim mes bashkëkryetarëve për detajet e takimit.

“Ajo që mazhoranca kërkon të bëjë është të kthehen tek skenari i vitit 2014, që duan ta bëjnë reformën në mënyrë të njëanshme.

PD në asnjë moment nuk ka vendosur bojkot, ne e kemi shpallur dhe kemi thënë se do të marrim pjesë në komisionin e Reformës Territoriale ku dy bashkëkryetarët duhet të koordinohen me njëri-tjetrin, për ditën, orarin, ekspertët. Ajo që ka dashur të bëjë PS, është krijimi i një ngërci artificial për të shkuar tek një reformë e njëanshme pasi nuk ndodh që kryetari pa pyetur nënkryetarin të vendosë agjendën e komisionit. Imagjinoni tani një komision me 2 bashkëkryetarë do të duhet të koordinohen për vendimarrjen.

Unë uroj që mazhoranca të ketë vullnetin dhe me tërheqjen që i bëri atij projektvendimi ditën e djeshme, që zoti Mazniku dhe zoti Boçi të ecin me një agjendë të përbashkët pa ultimatume, se na ka ndodhur çudira në Kuvend, ai komision nuk hapte mbledhjen se nuk kishte koorum, ndërkohë që hapte regjistrimin online dhe thonte ka bojkotuar PD.

Nuk ka asnjë pengesë nga PD për të mos qenë në komisionin e Reformës Territoriale”,-tha Zhupa./CNA

 





Lajmet e fundit nga