web counter
LEXO PA REKLAMA!

SHKARKO APP

App Store
Google Play

Kunj për Salianjin?/ Berisha: Keqardhje për ata që bëjnë sikur janë me ne, por punojnë për Ramën

4 Shkurt 2026, 22:08, Politikë CNA

Kunj për Salianjin?/ Berisha: Keqardhje për ata që

Kryedemokrati Sali Berisha, në deklaratat e tij të së mërkurës në në Degën 1 dhe 3, gjeti rastin të përcjellë edhe një mesazh për disa pseudo demokratë.

Siç tha Berisha, ka disa individë që bëjnë sikur janë me PD-në, por në fakt punojnë në interes të socialistëve.

Berisha u shpreh se demokratët nuk kanë asnjë lidhje me individë të tillë që nuk kanë kurrëfarë morali politik dhe bashkohen me krahun tjetër.

“Sot nuk kemi më luksin të punojmë me program që këto dy muaj do bëjmë këtë, tani duhet të punojmë në të gjitha drejtimet. Koha është shumë e pamëshirë. Na fton ne të bëjmë gjithçka, të shtojmë radhët tona. Të bëjmë çdo gjë për të ripërtërirë PD-në me njerëz me moral. Koha është e idealistëve. Mos keni kurrë keqardhje për ata që bjerrin moralin e tyre dhe shkojnë me krahun tjetër. Dhe ne në një mënyrë ose në një tjetër, nga kjo kategori duhet të ndahemi.

Pse? Ua them unë këtu. Ne nuk kemi kartë tjetër përveç asaj të idealeve dhe moralit tonë.

Në qoftë se ne pranojmë të na e heqin një nga një atributet e kartës tonë, ne kushedi se ku do përfundojmë, çfarë do jemi.

Jo mor jo, nuk e lëshojmë ne atë. Në qoftë se do, do të luftojmë. Ke biznes, e gëzofsh, por kurrë këtë parti nuk mund ta mbash peng me biznesin tënd.

Rri, nuk do, rri anash. Por jo të na bësh sikur je me ne dhe të bësh punën e tjetrit. Ndaj dhe ky është proces miq. Përpiquni të afroni dhe të anëtarësoni çdo njeri të ndershëm, çdo idealist. Asnjë keqardhje për ata që bëjnë sikur janë me ne, dhe në fakt punojnë për Edi Ramën. Nuk na duhen gjë ata ne. Nuk kemi lidhje me ta ne”,-u shpreh Berisha./CNA





Lajmet e fundit nga