web counter
LEXO PA REKLAMA!

SHKARKO APP

App Store
Google Play

Agron Shehaj i "përvishet" Koçiut/ “Nuk ka asgjë për të qeshur, ajo që po ndodh tek Onkologjiku është kriminale”

12 Shtator 2024, 16:26, Politikë CNA
Agron Shehaj i "përvishet" Koçiut/ “Nuk ka
Deputeti Agron Shehaj

Deputeti Agron Shehaj, gjatë fjalës së tij në Kuvend i është përveshur ministres së Shëndetësisë Albana Koçiu në lidhje me mungesat e ilaçeve tek Onkologjiku.

Shehaj është shprehur se shëndetësia është ministria ku vidhet më së shumti dhe ajo që po ndodh tek Onkologjiku është kriminale, ku përveçse mungojnë ilaçet u aplikohet trajtimin i shkurtuar pacientëve, për shkak të këtyre mungesave.

“Sot qeveria ka sjellë një akt normativ që sipas ministres do të përmirësojë profesionalizmin e mjekëve dhe do rrisë cilësinë e shërbimit. Patetizmi në këtë sallë nga qeveria në lidhje me shëndetësinë është skandaloze. Një gazetar ka bërë publike para disa ditësh mesazhet ku komunikojnë mjekët e Onkologjikut. Nuk e di nëse e keni parë.

Kjo ndodh tek Onkologjiku zonja ministre me këtë ligjin që keni bërë që do të sjellë rregulla të reja te mjekët mendoni se e zgjidhin problemin e ilaçeve.

Mjekët detyrohen të gënjejnë pacientët, iu bie propaganda, ju thoni gënjejini, shkurtoni trajtimin.Kjo ndodh tek Onkologjiku dhe këto që bëni ju që o burra të ndryshojmë ligjin e urdhrit të mjekëve i tregoni opinionit publik që marrim masa, është thjesht mashtrimi i radhës.

Nuk ka për të buzëqeshur zonja ministre, po flas për ilaçet që mungojnë tek Onkologjiku. Janë komunikimet e mjekëve e kuptoni që kjo është kriminale.

Mjeku duhet të thotë të vërtetë se pacienti mund të gjejë një zgjidhje tjetër. Shëndetësia është ministria ku vidhet më shumë, qindra miliona euro keni harxhuar me PPP.

Keni zhdukur para me punëtor krahu.  Presim të merrni masa të ketë ilaçe.Dera e mbyllur tek Onkologjiku është e mbyllur se s’ka ilaçe, jo se s’ka mjekë”, tha Agron Shehaj./ CNA





Lajmet e fundit nga