web counter
LEXO PA REKLAMA!

SHKARKO APP

App Store
Google Play

E fundit!

x

24-vjetori i sulmit ndaj Kullave Binjake/ Berisha: Shqipëria do të vijojë të japë kontribut në luftën kundër terrorizmit

11 Shtator 2025, 22:49, Politikë CNA

24-vjetori i sulmit ndaj Kullave Binjake/ Berisha: Shqipëria do të

Kryetari i Partisë Demokratike, Sali Berisha përmes një postimi në rrjetet sociale ka dhënë mesazhin e tij në ditën e përkujtimit të viktimave të sulmit terrorist ndaj Kullave Binjake në SHBA, më 11 shtator 2001.

Berisha tha se viktimat e 11 shtatorit apelojnë që kjo ngjarje të mos harrohet kurrë.

Sot kombi i madh amerikan, miqtë e tij në mbarë botën kujtojnë viktimat e sulmit terrorist me avionë pasagjerësh mbi kullat binjake në New York, Pentagonin në Washington më 11 shtator 2001. Organizata terroriste Al Qaeda ishte organizatore dhe sponsore e këtij sulmi terrorist, më i madhi në histori, që pati pothuaj 2977 viktima.

Ky sulm barbar solli reagimin e fuqishëm të SHBA dhe aleatëve e partnerëve të tyre në Europë dhe në botë, ndër të cilët edhe Shqipëria, kundër Al Qaedës dhe regjimeve terroriste në Afganistan dhe Irak, duke u dhënë atyre ndëshkimin e merituar.

Viktimat e 11 shtatorit bëjnë apel të mos harrohet kurrë se terrorizmi islamist dhe i çdo ngjyre është armik i egër i njerëzve dhe popujve të lirë. Shqipëria ka dhënë dhe do të japë edhe në të ardhmen kontributin e saj në luftën kundër terrorizmit ndërkombëtar, shkruan Berisha./CNA

 

 

 

 

 

 

 

 

 

 

 

 

 





Lajmet e fundit nga