web counter
LEXO PA REKLAMA!

SHKARKO APP

App Store
Google Play

Lubonja: Kriteri i vetëm i Ramës për kabinetin e ri është bindja ndaj tij

11 Shtator 2025, 22:16, Politikë CNA

Lubonja: Kriteri i vetëm i Ramës për kabinetin e ri

Analisti Fatos Lubonja tha sot se kriteri i vetëm i Ramës për kabinetin e ri është që emrat e zgjedhur të jenë figura të bindura ndaj tij.

I ftuar në emisionin ‘Log,’, Lubonja u shpreh se sipas Ramës, ai është politikani më i mirë, ndërsa të tjerët nuk vlerësohen.

Lubonja tha se vendi ndodhet në një regjim, pasi sipas Ramës vendi nuk ka nevojë për rotacion.

“Jemi në një regjim. Edi Rama sot tha se nuk ka nevojë për rotacion. Edhe kur foli për drejtësinë, tha se ka probleme, por shtoi se “ne do e çojmë në drejtimin e duhur”. Ballukun e ka vënë zv. kryeministre sepse është më e mira e mundshme? Kriteri është i qartë. Njëshi është Rama, të gjithë janë zero. Edhe kryetar bashkie Edi Rama ka mbetur, tani që u burgos Veliaj. Rama ka kriter se kush është më i binduri tërësisht. Këta janë ‘Lenka Çuko e radhës’. Në kohën e PPSH, Enver Hoxha vendosi fillimisht shokët e luftës dhe më vonë i zëvendësoi me emra pa histori nga pas, që thjesht i bindeshin”,-tha Lubonja./CNA





Lajmet e fundit nga