web counter
LEXO PA REKLAMA!

SHKARKO APP

App Store
Google Play

E fundit!

x

Sa Presidentë ka Presidenca, meqë Begaj thotë "ne sigurohemi" dhe "mbrojmë qëndrimin tonë"?!

3 Tetor 2025, 09:51, Opinione CNA

Sa Presidentë ka Presidenca, meqë Begaj thotë "ne

Në një dalje në një televizion publik, nga të rrallat shfaqje të tilla, Presidenti Bajram Begaj foli edhe për dekretin e vet për zgjedhjet në Bashkinë Tiranë.

Përveç varfërisë së shprehjes, ajo që ra në sy ishte edhe mënyra se si Begaj fliste në shumës, sa herë që duhet të fliste për diskutimin, justifikimin kushtetues dhe në fund edhe për mbrojtjen eventuale të dekretit famëmadh.

Por kur dëgjon Begajn që flet në shumës: "Ajo që ne sigurohemi kur nxjerrim një akt është që të marrim parasysh çdo pretendim dhe, nëse ky akt i Presidentit do të shkojë në një instancë ankimore apo ligjore, për të mbrojtur qëndrimin tonë në çdo rast", pyetja që lind është, sa Presidentë gjenden aktualisht në Presidencë?

Deri tani dinim që karabinierët rrinë gjithmonë vetë të dytët, sepse njëri di të shkruajë tjetri di të lexojë.

Shpresojmë që "ata" për të cilët flet Begaj nuk kanë zgjedhur që të përfaqësohen të gjithë nga Begaj President, ngaqë besojnë se ky di të flasë! Megjithëse duhet përgëzuar se dukej sikur arrinte të kuptonte pyetjet e Gridës.

Sa karabinierë..., na falni..., sa Presidentë rrinë në Presidencë?

Lexoni më poshtë përgjigjet e Begajt në dialogun që na vuri në mendime.

Grida Duma: Ju thoni që unë kam ndjekur gjithë rrugëtimin kushtetues dhe procedurat juridike që respektojnë Kushtetutën, dhe kjo nuk bie në konflikt me Gjykatën Kushtetuese, e cila duhet të marrë një vendim. Unë bazohem te vendimet, thoni ju, dhe jo mbi gjykimet në proces. Por në rast se Gjykata Kushtetuese merr një vendim për pezullim, çfarë do të shkaktonte kjo?

Presidenti Begaj: Ju mendoni se mund të ketë një konflikt institucional midis legjitimitetit të zgjedhjeve?

Grida Duma: Së pari, a do të pezullohen? A ka konflikt institucional? Cilat do të ishin variablat?

Presidenti Begaj: Unë nuk mund të aludoj mbi vendimin e Gjykatës Kushtetuese. Gjykata është në të drejtën e saj të zbatojë detyrimin ligjor. Ajo që ne sigurohemi kur nxjerrim një akt është që të marrim parasysh çdo pretendim dhe, nëse ky akt i Presidentit do të shkojë në një instancë ankimore apo ligjore, për të mbrojtur qëndrimin tonë në çdo rast./ CNA

 





Lajmet e fundit nga