"Çorapi" i Opozitës për shkarkimin e Erion Veliajt

1 Tetor 2025, 19:43, Opinione CNA

Opozita shqiptare duket se nuk është ende e qartë dhe mesa duket paska qenë e pavendosur lidhur me (tashmë) ish-kryebashkiakun e arrestuar të Tiranës Erion Veliaj. Opozita ka qenë e para që ka kërkuar edhe me protesta në mbi 40 javë për shkarkimin e tij.

Dekretohet data e zgjedhjeve/ Merr fund saga e ankimimeve dhe show-t të Erion Veliajt
1 Tetor, 17:31

Fillimisht, përfaqësues të opozitës shpreheshin se Veliaj duhej shkarkuar menjëherë pas përfundimit të afatit 3-mujor nga mungesa e tij.

Në fakt, Erion Veliaj u shkarkua nga detyra pas 7 muajsh!

Shkarkohet Erion Veliaj
25 Shtator, 12:55

Deklaratat e sotme të opozitës, nga kreu i Grupit Parlamentar të Partisë Demokratike, Gaz Bardhi, janë sa qesharake, aq edhe pa bazë ligjore.

Dekretimi i datës së zgjedhjeve/ Kreu i grupit të PD: Shkelje ndaj Kushtetutës, Begaj robot i Ramës
1 Tetor, 16:41

Si i argumenton opozita deklaratat e sotme në mbrojtje ndaj Erion Veliajt, kur shkarkimi nuk ndodhi në kohën e përfolur dhe të shprehur nga opozita, por ndodhi 4 muaj më vonë. Apo kërkesa e opozitës për shkarkim ishte thjesht një provokim GazBardhist, me idenë se Gjykata Kushtetuese do ta bllokonte shkarkimin?

Nuk është e qartë se cilin nen lexonin opozitarët, demokratë e jo vetëm, kur thonin se Veliaj duhet të shkarkohej pas 3 muajsh mungese nga detyra.

Veliaj u shkarkua më 25 shtator me vendim të Këshillit të Ministrave pasi u propozua nga Këshilli Bashkiak. Shkarkimi i tij u bë me vendim në mbështetje të nenit 100 të Kushtetutës dhe të shkronjës 'c', të nenit 62, të ligjit nr.139/2015, 'Për vetëqeverisjen vendore', të ndryshuar.
Menjëherë më pas duket se opozita është mobilizuar per bllokimin e shkarkimit të Veliajt.

Opozita, nga njëri qëndrim në tjetrin, e tregoi qartazi se është e dyzuar për shkarkimin e Veliajt.

Në qëndrimet e saj publike dhe deklaratat për mediet, opozita i ka mëshuar idesë se një shkarkim i Veliajt duhej bërë kohë më parë, ndoshta që në fillim, pas arrestimit të tij. Por kur deklaronin se duhej shkarkuar që me arrestimin e tij, cilin nen të Kushtetutës që e ka në kokë vetem Gaz Bardhi, lexonte opozita?!

Pse nuk u dëgjua Erion Veliaj në Këshillin Bashkiak të socialitësve?
24 Shtator, 20:55

A besonte vërtetë opozita se shkarkimi varej vetëm prej opozitarëve në Këshillin Bashkiak? Apo besonte se do e bllokonte kryeministri Edi Rama?!

Lojërat publike të opozitës për rastin Veliaj tejkalojnë çdo lloj imagjinate, duke thyer edhe rregullat e logjikës qytetare pa arritur në logjikën e aksionit politik. Këto zig-zage nuk i shkojnë përshtat një opozite, që do qe ta besojmë se po kërkon shkarkimin e një kryebashkiaku. Më tepër i ngjason një shakaje dhe talljeje me publikun, duke kërkuar që Veliaj të shkarkohej vetëm kur donte vetë.

Opozita të ndajë mendjen!

Më këto përpjekje, opozita ndoshta donte të provonte nëse Veliaj do të shkarkohet, e më pas të rrinte ende në detyrë pas një ankimimi në Gjykatën Kushtetuese.

Opozita nuk po ndan mendjen ende për arsyen që e shtyu të kërkonte shkarkimin e Veliajt. E donte të shkarkuar se mungoi 3 muaj nga detyra apo se donte që Veliaj të rrinte në burg si Kryebashkiak?

Kjo opozitë, me këto qëndrime, nuk po na bën thjesht për të qeshur. Madje, po i kalon ‘Portokallisë’ në ditën e saj më të keqe të shfaqjeve të humorit./CNA