E fundit!

18:34 Aktualitet

"The Albanian Files"/ Zhupa: Libri i premtimeve të Ramës për ndërtuesit e vet, ka brenda 523 vepra penale

Deputetja e PD-së, Ina Zhupa, ka folur ditën e sotme lidhu...

Korrupsioni i Jozefinës dhe mediat e blera nga Saliu

19 Shtator 2025, 10:37, Opinione CNA

Gazetari Klodian Tomorri ka bërë një koment në lidhje me akuzat e fundit që janë hedhur drejt deputetes Jozefina Topalli për dasmën e djalit të saj Genarit me Cindy Marinën.

Dasma e dyshes u bë temë emisioni në mediat ortake me inceneratorët, sikur dasma të ishte një korrupsion dhe një event familjar.

Tomorri përmend të gjithë ata në radhët e PS që janë kapur në afera të mëdha korruptive për të cilat nuk flasin mediat ortake me inceneratorët pronarët e të cilëve janë shpallur investitorë strategjikë.

Po ashtu i ka dhënë një shuplakë rojes së Erion Veliajt, Mero Bazes për deklaratat e tij se shumica e mediave janë Saliut, por ndërkohë është qeveria që i bën investitorë strategjikë.

Deklarata e Klodian Tomorrit

Në tetë vite të qeverisjes së PD-se unë kam dëgjuar vetëm dy akuza korrupsioni për Jozefina Topallin, të bëra nga opozita e asaj kohe.

Afera e parë korruptive e Jozefinës ishte që çoi Luisin me punë në ambasadën shqiptare në Francë. Ndërsa afera e dytë ishte ajo se shkoi bëri xhiro me motorr në shkreterirë, gjatë një vizite shtetërore andej nga Arabia a Egjipti, se nuk e mbaj mend mirë ku ishte tani. Ky ishte korrupsioni i madh i Jozefinës.

Këto dy janë akuzat e vetme të Partisë Socialiste për korrupsionin e Jozefinës në 8 vjet qeverisje dhe pas saj. Nuk kam dëgjuar, as e kanë akuzuar kundërshtarët e saj, që Jozefina të ketë aksione të fshehta në kompani, as që të merrte tendera, as që të kishte aksione në koncesione.

Nuk kam dëgjuar që Partia Socialiste ta akuzojë se burri, vëllai apo familjarët e Jozefinës ndanin tenderat në Shkodër a ku di unë.

Shikoni pak tani, ca ka ndodhur me pasardhësit e Jozefinës. Njëri doli me transaksione me bandën e 5D-se. Një tjetër, del me nga 3-4 vila në çdo kompleks të Tiranës. Familjarët e një tjetri ndanin tenderat e ujësjellësit deri para 2 vitesh. Por korrupsioni është Jozefina.

Dhe Jozefina është korrupsion aq i madh saqë bëhet edhe emision. Në ditën kur Sulltani urinon mbi Parlamentin, bëhen emisione për korrupsionin e Jozefinës. Se nuk është problem pshurrja e Parlamentit, por dasma e Jozefinës.

Pikërisht në mediat e blera nga Saliu. Se vajtën nxorrën dhe një liste këta, që Top Channel e kontrollon Saliu përmes Gridës. Klanin e kontrollon Saliu përmes Fevziut dhe Frangajt. Neësin e kontrollon Saliu përmes Dhurata Cupit e kështu me radhë.

Pra të gjitha mediat i kontrollon Saliu. Edi Rama thjesht i ka shpallur investitor strategjik, pronarët e të tre mediave kombëtare duke e bërë Shqipërinë vendin e vetëm në botë, ku qeveria shpall të gjithë pronarët e mediave më të mëdha, investitor strategjik.

Ah po. Po pse e ka bërë Rama këtë do thoni ju? Pse i shpall strategjik mediat e Saliut dhe u jep prona shtetërore? Do ja u gjejnë përgjigjen edhe për këtë. Ështe bashkëqeverisja mes Ramës dhe Saliut. Kështu do u thonë. Dhe në fund do u thonë që ka ngelur dhe prifti me barrë.

Ja kështu kështu. Mediat i kontrollon Saliu, korrupsionin e ka bërë Jozefina, tenderat i vjedh opozita, SPAKU-n e kontrollon opozita, inceneratorin e firmosi Saliu./ CNA