web counter
LEXO PA REKLAMA!

SHKARKO APP

App Store
Google Play

E fundit!

x

A do t’i hapë Veliaj luftë ballore Edi Ramës?

18 Shtator 2025, 14:50, Opinione Klodian Tomorri

A do t’i hapë Veliaj luftë ballore Edi Ramës?

Ky është një ekuacion shumë interesant: a do t’i hapë Veliaj luftë ballore Edi Ramës pas vendimit për shkarkimin e tij?

Ka që thonë po, ka të tjerë që thonë jo.
Por në fund, çdo vendim është rezultat llogaritjesh. E para dhe mbi të gjitha, lufta është 'no win situation', ku të dyja palët humbasin. Fiton ai që humbet më pak ose ai që duron më shumë humbje.

Çfarë mund të humbasin të dyja palët në këtë situatë?


Veliaj mund të nxirrte fakte që do ta vinin në vështirësi Edi Ramën.
Por edhe Rama ka dy armë shumë të forta në dorë:

E para, lidhet me familjarët e kryebashkiakut, veçanërisht vëllain dhe bashkëshorten e tij. Sepse hetimet në Shqipëri janë si llastikët e brekëve: i shtrin sa të duash.

E dyta, lidhet me dëmet financiare që Rama mund t’i bëjë Veliajt, duke filluar nga kontrata e famshme e marketingut të kompanisë "One".

Deri tani ajo kontratë nuk është prishur. Por sapo Rama të kërcasë gishtat, kontrata kalon në kompani tjetër. Se ky i ka të gjitha në dorë tani, edhe shkopinjtë, edhe karrotat. Dhe i përdor si të ketë qejf.

Pra, Erion Veliaj nuk e ka shumë të lehtë të bëjë luftë me Edi Ramën. Në fakt, tani askush nuk e ka të lehtë të luftojë me Edi Ramën.
Avokatët e kujtdo mund të thonë ç’të duan, por kur vjen puna te veprimet, duhet të bësh ca llogari që nuk janë të lehta.





15:47 Opinione Lutfi Dervishi

Republika e Diellës

S’i zgjidhëm dot hallet, paskan qenë të thella,Por që sot e ...

19:51 Opinione Lutfi Dervishi

Dielli dhe Diella

Në qeverinë e katërt të Rilindjes, pas gjithë ministrave m...

Lajmet e fundit nga