web counter
LEXO PA REKLAMA!

SHKARKO APP

App Store
Google Play

Kush nuk do që "shqiponja" të fluturojë e lirë në lartësi?!

14 Shtator 2025, 12:44, Opinione CNA

Kush nuk do që "shqiponja" të fluturojë e lirë
“Air Albania” është një kompani ajrore, jo pa halle, e filluar në vitin 2019, fillimisht u reklamua pa fund. Fluturimet e saj filluan në Itali, në Stamboll, në Gjermani e në shumë vende të tjera, flamuri shqiptar filloi të lartësohej. “Shqiponja” filloi të fluturonte në lartësi. Në atë kohë pritej që të kishte “Air Albania” një flotë prej jo pak, po plot 7 avionë. Në fakt nuk i pati kurrë, nuk shkoi dot as dy. Në vite kompania fatkeqësisht është keqmenaxhuar, është abuzuar, pse jo dhe është vjedhur. Ka pasur sulme politike, mediatike, të vërteta, gjysmë të vërteta, mashtrime, gjoba, sulme.

Ne e ndoqëm nga afër çfarë ndodhi kohët e fundit, që me daljen e bilanceve të kompanisë, që ne nuk i gjetëm dot në QKB, por nxirreshin nga Turqia, deri te vendimet e Gjykatës së Lartë, që na tregonin se “Air Albania” me dy avionë në ditë kishin fluturuar në bussines class rreth 120 vetë. Diçka tepër e pabesueshme.

Fatura të fryra, miliona euro shpenzime, dëme të bëra ndaj kompanisë dhe gjithçka vazhdon të ngelet në agoni. Borxhe, shërbime, sulme edhe politike. “Shqiponja” duhet të fluturonte larg dhe shumë lart, por rrugës dikush e pengon, dikush nuk e lë.

Përgjegjësia është e qartë, që më shumë se sa në Tiranë është te menaxhimi i kompanisë në fillim, por edhe tek aksioneri kryesor, i cili është “Turkish Airlines”, pasi shteti shqiptar ka 10% nëpërmjet AlbControl dhe biznesmeni Sinan Idrizi 41%. Shumicën e aksioneve, prej 49% e ka “Turkish Airlines”.

Nuk duket që një nga kompanitë më të mëdha në botë të fluturimeve ta ketë dashur kaq shumë “Air Albanian”, “shqiponjën” të fluturojë e lirë.

Ndoshta në këtë rast ka shumë vlerë historia, kur sorra shkon dhe kërkon të vrasë shqiponjën dhe e godet në kokë për ta shpuar shqiponjën. Shqiponja zgjedh të fluturojë lart e më lart, atje ku ka më pak oksigjen, deri sa sorra të ngordhë dhe më pas të vazhdojë të fluturojë e lirë.

Këtë duhet të bëjë dhe “Air Albania”. Këtë duhet të bëjë “shqiponja” dhe flamuri në bishtin e saj. Të ngrihen sa më lart, të fluturojnë, të tejkalojnë problematikat.

Biznesmeni shqiptar Sinan Idrizi, por dhe pala shqiptare duhet të marrin përgjegjësitë e tyre, ashtu sikundër të kërkojnë çdo përgjegjësi te “Turkish Airlines”, çdo përgjegjësi te të gjithë individët që kanë abuzuar me kompaninë, që kanë keqpërdorur fondet e saj. Të kërkojnë përgjegjësitë te turqit e “Turkish Airlines”, te serioziteti i partneritetit të tyre në krijimin e kësaj kompanie.

Sepse që nuk ka pasur një marrëdhënie të sinqertë dhe të ndershme, kjo tashmë është e provuar, se kurrë nuk u dhanë 7 avionë dhe megjithëse menaxhmentin e kompanisë e emëroi dhe e komandoi “Turkish Airlines”, kompania kaloi në një gropë të madhe financiare. Po të ishte menaxhuar ndryshe, “shqiponja” do të fluturonte e lirë dhe më lart.

“Air Albania” duhet të ishte krenari, nuk kishte pse të ishte një nga të paktat linja, ndërkohë që Rinasin e pushtojnë kompanitë pseudo low cost, të cilat kanë interesa ndoshta të lidhura edhe me menaxhimin e aeroportit dhe lidhje të tjera.

“Air Albania” nuk është thjesht një kompani ajrore, është “shqiponja” që mban në bishtin e saj flamurin shqiptar, në trupin e saj shkruhet “Air Albania”. Ajo është shqiponja jonë që duhet të fluturojë e lirë dhe nuk ka pse të mbajë në kurrizin e saj një sorrë që e godet në kokë./ CNA





19:51 Opinione Lutfi Dervishi

Dielli dhe Diella

Në qeverinë e katërt të Rilindjes, pas gjithë ministrave m...

16:06 Opinione Luçiano Boçi

Kutia e Veliajt

Erion Veliaj e ka kaluar “hutimin e parë”. I fokusuar fil...

Lajmet e fundit nga