web counter
LEXO PA REKLAMA!

SHKARKO APP

App Store
Google Play

E fundit!

x

Opozitarët e flakët e të ndezur, që duan të na bindin se na qenka Kushtetuta kur u shkarkua Veliaj

1 Tetor 2025, 22:05, Opinione Indrit Vokshi

Opozitarët e flakët e të ndezur, që duan të na bindin

Erion Veliaj është shkarkuar bazuar në nenin 62 të Ligjit për Qeverisjen Vendore. Jo mbi nenin 115 të Kushtetutës, nen të cilin po na e citojnë këta opozitarët e flakët e të ndezur, për të na bindur ne se na qenkan shkelur ai nen dhe Kushtetuta.

Se di pse e citojnë nenin 115 kur as Këshilli Bashkiak as Qeveria nuk e kanë përdorur nenin 115 dhe nuk e kanë shkarkuar Veliajn duke u bazuar në nenin 115!

Neni 62 shkruan: "Kryetari i Bashkisë shkarkohet me vendim të Këshillit të Ministrave, kur:.."Propozohet nga këshilli bashkiak përkatës për mosparaqitje në detyrë për një periudhë 3 mujore të pandërprerë."

Vendimi i Qeverisë i cili shkarkon Veliajn thotë: "Në mbështetje të nenit 100 të Kushtetutës dhe të pikës c) të nenit 62 të Ligjit për Qeverisjen Vendore." Pra të nenit 100 i cili përcakton kompetencën e KM për të nxjerrë akte dhe jo të 115.

Neni 115 në lexim kronologjik dhe thelbsor lidhet me rastet kur Këshilli i Ministrave e shkarkon një kryetar bashkie <<me iniciativën e tij>> për shkelje të ligjit. Dukeqenëse pushtetet janë të ndara jo vetëm horizontalisht (parlament-qeveri-gjyqësor) por janë të ndara edhe vertikalisht (pushtet qëndror-pushtet vendor) Kushtetuta për ta ndaluar abuzimin e Këshillit të Ministrave me ketë kompetencë dhe për të mos lejuar që kjo kompetencë të përdoret abuzivisht kundër kryebashkiakëve, ka parashikuar se shkarkimi pezullohet derisa të shqyrtohet në Gjykatën Kushtetuese. Kjo vlen vetëm për shkarkimin nga KM, e kjo parashikohet me qëllim për të ruajtur ndarjen pushtet qëndror-pushtet vendor.

Në rastin e Veliaj nuk jemi përballë nenit 115, sepse Erion Veliajn nuk e ka shkarkuar qeveria duke përdorur nenin 115; Erion Veliajn e ka shkarkuar Këshilli Bashkiak i Tiranës duke përdorur nenin 62 të Ligjit për Qeverisjen Vendore dhe neni 62 e kërkon që shkarkimi nga ana e Këshillit Bashkiak t'i dërgohet Qeverisë. Dmth çështja Veliaj është çështje e konsumuar në nivel vendor, në nivel bashkiak, sipas Ligjit për Pushtetin Vendor, e nuk është përplasje e pushtetit qëndror me pushtetin vendor.

Këta opozitarët e flaktë janë çuar peshë duke sulmuar Presidentin, duke thënë se Presidenti nuk duhej të dekretonte zgjedhje. Po pse nuk duhej? Edhe një herë: nuk jemi para nenit 115, nen i cili e detyron Presidentin të mos dekrerojë zgjedhje. Jo po presidenti kapterr, jo po rreshter! Mund të jetë jetë edhe kapterr edhe rreshter i Edi Ramës, nuk e përjashtojmë ketë, mirëpo kjo sja vlerë për rastin në fjalë. Në ketë rast nuk e ka shkelur Kushtetutën.

Edi Rama ka dashur ta shkarkojë Erion Veliajn, kjo është e qartë. Por Edi Rama ka këshillëtar ligjor i cili e ka këshilluar mirë, duke i thënë se që të mos na e rrëzojë Kushtetuesja dhe të mos bllokohen zgjedhjet prej nenit 115, mos e përdor nenin 115, por bindi anëtarët e Këshillit Bashkiak ta shkarkojnë ata dhe, në ketë rast nuk ka shkelje të Kushtetutës, as ka bllokim të dekretit të zgjedhjeve.

Edi Rama e kishte më të lehtë ta shkarkonte Veliajn me nenin 115, e bënte thjesht me vendim qeverie, nuk kishte nevojë të urdhëronte anëtarët e Këshillit Bashkiak për ta shkarkuar ata. Por i urdhëroi ata për ketë qëllim.

Interesante që të gjithë citojnë një nen, nenin 115, kur ai nen nuk është përdorur askund e as ka lidhje me ketë çështje. Pse e mbrojnë Veliajn? Ec e merre vesh. E dinë ata./CNA





Lajmet e fundit nga