E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Ridikulizimi i projektit të Portit të Durrësit

22 Nëntor 2022, 15:13, Opinione Habjon Hasani

Ridikulizimi i projektit të Portit të Durrësit

Projekti i Portit të Durrësit

Deri më sot nuk kam parë dot asnjë oponencë teknike që të zbulojë probleme thelbësore sa i takon Projektit të Durrësit.

Të gjithë thonë se toka është falur bashkë me taksat, por askush nuk bën një hesap të perafert se sa do të jenë të ardhurat e tatim taksave nga aktiviteti tregtar që do zhvillohet në këtë vend pas ndërtimit. Nuk ka një studim krahasues.

Nuk eksiston asnjë oponence mirëfilli teknike që na orienton për dizavantazhet e portit të kargove që pritet të ndërtohet në Porto Romano.

Cili është volumi që ky port do përballojë, a na krijon kufizime apo humbje dhe si i krijon ato.

Nisur nga këto rrethana nuk kam nxituar as 1 milimeter që ta konsideroj të mire apo të keq këtë projekt. Di me siguri që mungon shqyrtimi krahasues profesional e teknik dhe në mungesë të tij bëj kujdes të pozicionohem.

Lidhur me oligarkët shqiptarë që do nënkontraktojnë një pjesë të volumeve të punimeve, kjo më duket gjëja më normale. Shqipëria nuk është Kina, 5-6 kompani kemi që mund të punojnë në volume të tilla. S'ka asnjë çudi këtu.

Nga ana tjetër shoh që debati është përqëndruar në paketën e aksionerëve dhe përfitueseve, njëherë duke u përpjekur të implikojnë një studio ligjore si te lidhur me Lulzim Bashën; e pastaj duke permendur vëllezërit serb nga Peja si gjasme aksionare.

Kjo e Lulzim Bashes është një gomarllëk me brirë sepse studioja që këta përmendin ofron shërbime juridike, bën letrat e kompanive dhe ka me dhjetera klientë përfshirë dhe kunatin e Lulit apo investitorin arab. Është si me akuzu dy kliente që shkojnë te i njëjti noter se janë ortakë. Idiotësi.

Investitori arab ka depozituar në Tiranë paketën e aksionarëve që sipas listës së paraqitur prej tij janë familjare dhe taraf i tij nga Emiratet.

Kjo duket se shuajti zërat për aksionerë të tjerë të padukshëm, ndonëse ekuacionet e pronësisë indirekte janë tepër të larmishme në botën e zhvilluar.

Sepse për sa kohë në juridiksione të ndryshme ekzistojne "kontratat konfidenciale të besimit" ; mund të ndodhë që nesër kur Al - Alabari ka një problem, dikush paraqitet në Tiranë dhe paraqet këtë kontratë besimi dhe menjëherë i kalojnë atij aksionet.

Keshtu ndodhi me Mikhail Khodorkovskin dikur, pasi e futën në burg, aksionet e tij në Yukos i pretendoi Fondi i Investimeve Rothschild bazuar në një kontratë konfidenciale besimi.

Askush nuk priret në zbërthimin e këtyre opsioneve apo në oponence mirëfilli teknike.

Debati i nxitur kryesisht nga Berisha është aq i rëndomte sa duket sikur po ndan lekët e tavolines së kumarit në sabah, pasi kanë pirë e kanë lozur gjithë natën.

Berisha deklaroi ne studio fillimisht se nuk i dinte me siguri pronarët e vërtete, pastaj deklaroi se Rama ka marrë 300 milione euro nga ortaku imagjinar.

Dmth ky nuk e dinte kush ishte ortak por dinte me ekzaktësi sa lekë ka dhënë ky ortaku që nuk dinte.

Ky është ridikulizim i debatit dhe për pasojë, deri më tani rezulton që opozita e ka ndihmuar Edi Ramen me ridikulizimin që ka bërë; sepse ka devijuar debatin nga ato shina qe mund ta vinin qeverinë në veshtirësi serioze./CNA.al